28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Իրանի և Թուրքիայի ԱԳ նախարարներն Անկարայում բանակցություններ են անցկացրել
Քաղաքականություն
17.01.2023 | 19:20
Իրանի արտգործնախարար Հոսեյն Ամիր Աբդոլահիանն այսօր Անկարայում բանակցություններ է անցկացրել իր թուրք գործընկեր Մևլութ Չավուշօղլուի հետ, հայտնում է իրանական Mehr գործակալությունը։
«Բարեբախտաբար, երկու երկրների հարաբերությունները ճիշտ ուղու վրա են, և այսօր մենք կարող ենք Թուրքիան նշել որպես այն հարևաններից մեկը, որը լավագույն հարաբերություններն ունի Իրանի»,- կեսօրին Անկարա ժամանելուց հետո լրագրողներին ասել էր Աբդոլահիանը։
Նա նաև նշել էր, որ նախատեսված է իր հանդիպումը Թուրքիայի նախագահ Ռեջեփ Թայիփ Էրդողանի հետ:
Հավելենք, որ Թուրքիա մեկնելուց առաջ լրագրողների հետ զրույցում Աբդոլահիանը հայտնել էր, որ թուրքական և իրանական կողմերը պատրաստվում են բանակցություններ վարել նաև Հարավային Կովկասում վերջին զարգացումների ու այլ կարևոր հարցերի շուրջ՝ կապված տարածաշրջանային անվտանգության գործում իրենց նշանակալի դերի հետ։
Էմմա Չոբանյան
