28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Ռուս պաշտոնյաներին փորձում են արգելել արտերկիր արձակուրդ մեկնել
Հասարակություն
17.01.2023 | 16:40
Ռուսաստանի շրջաններում փորձում են պաշտոնյաներին ստիպել հրաժարվել արտասահմանյան արձակուրդներից, հայտնում է Meduza-ն։ Սա տեղի է ունենում մի շարք սկանդալներից հետո՝ կապված արտասահմանյան հանգստավայրերում պատգամավորների արձակուրդների հետ։
Լրատվամիջոցը նշում է, որ շրջանների ղեկավարները չեն կարող պատգավորներին ու պաշտոնյաներին պաշտոնապես արգելել լքել երկիրը, սակայն շատ շրջաններում արդեն «հանձնարարականներ» են տրվել այդ կապակցությամբ։ Վոլոգոդի շրջանի նահանգապետ Օլեգ Կուվշիննիկովը պաշտոնյաներին խորհուրդ է տվել զերծ մնալ արտերկիր արձակուրդ գնալուց։
Հունվարի 11-ին էլ Ուլյանովսկի շրջանի նահանգապետ Ալեքսեյ Ռուսկիխը հրաման է ստորագրել «Ռուսաստանի Դաշնությունից Հատուկ ռազմական գործողության ժամանակաշրջանում լքելու առանձնահատկությունների մասին» վերնագրով։ Փաստաթղթի համաձայն՝ բոլորին, ովքեր առնչություն ունեն տեղական ինքնակառավարման ոլորտի հետ, «խորհուրդ է տրվում» արձակուրդների ժամանակ զերծ մնալ արտերկիր մեկնելուց։
Էմմա Չոբանյան
