29.10.2026 | 17:01
Կարիերայի առաջին քայլերը՝ IDBank-ի հետ․ մեկնարկել է IDream-ի 16-րդ շրջափուլը
Բաքուն կարող է սադրանքի դիմել․ Արցախի ԱԺ-ում արտահերթ ընտրություններն արկածախնդրություն են համարում․ ՏԵՍԱՆՅՈՒԹ
Քաղաքականություն
17.01.2023 | 12:12
Լաչինի միջանցքի արգելափակման պատճառով Արցախում ստեղծված ճգնաժամային իրավիճակով պայմանավորված Արցախի խորհրդարանում նպատակահարմար չեն համարում խորհրդարանական և նախագահական արտահերթ ընտրությունների անցկացումը: Ավելի վաղ ԱԺ նախագահ Արթուր Թովմասյանը լրատվամիջոցների հետ զրույցում չէր բացառել արտահերթ ընտրությունների անցկացումը և հայտարարել, որ այդ դեպքում ինքը կառաջադրվի նախագահի թեկնածու։ «Արդարություն» խմբակցության պատգամավոր Դավիթ Գալստյանը կարծում է, որ ընտրությունները կարող են ադրբեջանական կողմի համար սադրանքի առիթ տալ և լուրջ հարված լինել ԱՀ պետականությանը։ Իշխանական՝ «Ազատ Հայրենիք-ՔՄԴ» խմբակցությունում ևս կարծում են՝ արտահերթ ընտրությունների անցկացման հետ կապված բավականին լուրջ ռիսկեր կան: Արցախում խորհրդարանական և նախագահական հերթական ընտրությունները նախատեսված են 2025 թվականին: Մինչ այդ՝ 2022 թվականին սահմանադրական փոփոխություններ կատարելու գործընթաց սկսվեց, սակայն տարեվերջին Հանրապետության նախագահը Ազգային ժողովից նախագիծը հետ կանչեց:
Մանրամասները՝ տեսանյութում։
