01.06.2026 | 22:54
Ինչպես հայտագրել առաջին դասարանցիներին
Արցախում կսկսվի սննդի կտրոնների բաշխումը․ Արայիկ Հարությունյանը բացառեց ներքաղաքական ճգնաժամը․ Լուրեր
16.01.2023 | 20:40
- Հունվարի 20-ից Արցախում բրինձը, մակարոնեղենը, հնդկաձավարը, շաքարավազը և ձեթը կվաճառվեն միայն կտրոնով։ Յուրաքանչյուր քաղաքացի միանգամից կստանա 9 կտրոն։ Մեկ անձի համար ամսական կտրվածքով կհատկացվի յուրաքանչյուր սննդամթերքից մեկական կիլոգրամ և 1 լիտր ձեթ։ Կտրոնների տրամադրումը կսկսվի հունվարի 17-ից:
- Արցախում առաջնային ապրանքների՝ կտրոններով վաճառքն իրականացվելու է Ստեփանակերտում 200, շրջաններում՝ 400 խանութների միջոցով: Այս մասին զեկուցվել է Արցախի օպերատիվ շտաբի նիստում, որը վարել է Արցախի պետնախարար Ռուբեն Վարդանյանը։
- Հայաստանից Արցախ էներգասնուցումը նախկինի պես խափանված է, քանի որ ադրբեջանական կողմը մասնագետներին թույլ չի տալիս այցելել իրենց վերահսկողության տակ գտնվող տարածք՝ հասկանալու խափանման պատճառները: Բնակչության նվազագույն էներգետիկ կարիքները հնարավորինս երկարաժամկետ կտրվածքով ապահովելու համար վաղվանից անցում կկատարվի հովհարային անջատումների չորսժամյա գրաֆիկի՝ ներկայիս երկու ժամվա փոխարեն:
- Արցախում ներքաղաքական ճգնաժամ չկա ու չի կարելի նման բան թույլ տալ: Այս մասին Արցածի խորհրդարանում հայտարարել է նախագահ Արայիկ Հարությունյանը։ Նա նաև շրջափակման հետևանքների, ներքին և արտաքին մարտահրավերներին դիմագրավելուն ուղղված քայլերի մասին:
Այս ժամի լուրերը՝ տեսանյութում։
