16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
Դատախազը միջնորդեց Արուսյակ Ալեքսանյանի խափանման միջոց կալանավորումը թողնել անփոփոխ
Հասարակություն
16.01.2023 | 14:16
Դատարանը քննում է դատավոր Արուսյակ Ալեքսանյանի և փաստաբան Էրիկ Ալեքսանյանի գործը Հակակոռուպցիոն դատարանում, նախագահությամբ դատավոր Վահե Դոլմազյանի, մեկնարկեց Երևանի ընդհանուր իրավասության դատարանի դատավոր Արուսյակ Ալեքսանյանի,վերջինիս օգնական Թամարա Պետրոսյանի և փաստաբան Էրիկ Ալեքսանյանի գործի քննությունը։
Հիշեցնենք, որ դատավորը մեղադրվում է պաշտոնեական լիազորություններն անցնելու և ակնհայտ անարդար դատական ակտ կայացնելու, իսկ Էրիկ Ալեքսանյանն ու Թամարա Պետրոսյանը՝ պաշտոնեական լիազորություններն անցնելու հարցում դատավորին օժանդակելու մեջ։ Երեք մեղադրյալներն էլ մեղադրանքը չեն ընդունում։ Դատավոր Արուսյակ Ալեքսանյանը կալանքի տակ է գտնվում։
Ըստ քրեական գործի՝ նա գրավի դիմաց ազատ է արձակել քրեական հեղինակություն համարվող, «Ֆազ» մականունով հայտնի Սերգեյ Գրիգորյանին։ Փաստաբան Էրիկ Ալեքսանյանն ու Թամարա Պետրոսյանն ազատության մեջ են։ Էրիկ Ալեքսանյանը մեղադրականքի վերաբերյալ դիրքորոշում հայտնելիս լրագրողների հետ զրույցում պարզաբանել է, որ, ըստ Արուսյակ Ալեքսանյանի մեղադրանքի՝ վերջինս Սերգեյ Գրիգորյանին գրավի դիմաց ազատ արձակելու միջնորդությունը քննել է՝ չնայած այն հանգամանքին, որ այն վերամակագրված է եղել այլ դատավորի։
Էրիկ Ալեքսանյանն ասում է, որ Արուսյակ Ալեքսանյանը վերամակագրվման մասին տեղյակ չլինելով է քննել միջնորդությունը, հետևաբար հանդիացել է պատշաճ դատարան, գործել է իր լիազորությունների շրջանակներում, հետևաբար ինքը չէր կարող նրան օժանդակել լիազորություններն անցնելու հարցում։
