08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դատավորներն այսօր ԲԴԽ դատավոր անդամ կընտրեն
Հասարակություն
16.01.2023 | 13:45
Երևանի «Արմենիա Մարիոթ» հյուրանոցում քիչ անց կմեկնարկի Դատավորների ընդհանուր ժողովը։ Օրակարգում Բարձրագույն դատական խորհրդի դատավոր անդամի ընտրության հարցն է։ Բարձրագույն դատական խորհրդում դատավոր անդամի թափուր հաստիք է առաջացել, քանի որ Վճռաբեկ դատարանի վարչական պալատի դատավոր Ստեփան Միքայելյանի լիազորություններն իր դիմումի հիման վրա, 2022 թվականի դեկտեմբերի 15-ին դադարեցվել են։
ԲԴԽ դատավոր անդամի թափուր տեղի համալրման նպատակով 2022 թվականի դեկտեմբերի 19-ին և 20-ին ծանուցագրեր է ուղարկել Վճռաբեկ դատարանի Վարչական պալատի 3 դատավորի, սակայն նրանցից երկուսը ԲԴԽ-ին հասցեագրված դիմումով խնդրել են իրենց անունները չներառել քվեաթերթիկում։ Այս պահին ԲԴԽ դատավոր անդամի միակ թեկնածուն Քրիստինե Մկոյանն է։
Նշենք, որ Դատավորների ժողովը պետք է կայանար Երևանի ընդհանուր իրավասության դատարանի Աջափնյակ 1 նստավայրում, այս մասին նշված էր ժողովի վերաբերյալ court.am կայքում տեղադրված հայտարարության մեջ, սակայն այսօր պարզ դարձավ, որ ժողովի վայրը փոխվել է. փոփոխության պատճառը մեզ հայտնի չէ։
Արաքս Մամուլյան
