29.10.2026 | 11:15
Տնային կալանքի տակ գտնվող Ալիկ Ալեքսանյանին COP17-ի պատճառով ոստիկանությունը չի ներկայացրել դատարան. նրան պաշտպանն է ուղեկցել
Մոսկվան և Մինսկը ռազմական ավիացիայի զորավարժություններ են սկսել Բելառուսում
Քաղաքականություն
16.01.2023 | 13:53
Մեկնարկել են ռազմական ավիացիայի մարտավարական զորավարժությունները Բելառուսի և Ռուսաստանի զինված ուժերի ստորաբաժանումների մասնակցությամբ, գրում է BBC-ի ռուսական ծառայությունը։
Զորավարժությունների շրջանակում նախատեսվում է մշակել օդային հետախուզության, սահմանի երկայնքով համատեղ պարեկության, զորքերի օդային աջակցության, մարտավարական դեսանտային զորքերի իջեցման, ինչպես նաև բեռների մատակարարման ու վիրավորների տարհանման իրականացումը, հայտնել է Բելառուսի ՊՆ-ն։
Ավելի վաղ հայտարարվել էր, որ զորավարժությունները կանցկացվեն հունվարի 16-ից փետրվարի 1-ը։ Դրանցում ներգրավված են Բելառուսի Զինված ուժերի ռազմաօդային և հակաօդային պաշտպանության ուժերի բոլոր օդանավակայաններն ու ուսումնամարզական հենակետերը։
Համատեղ զորավարժություններն առանձնահատուկ ուշադրություն են գրավել այն մտավախությունների պատճառով, որ Բելառուսը կարող է ուղղակիորեն մասնակցել Ուկրաինայի դեմ Ռուսաստանի նոր հարձակմանը: Այնուամենայնիվ, փորձագետները Մինսկի ռազմական ակտիվության ավելի հավանական բացատրություն են անվանել Ուկրաինայի Զինված ուժերին շեղելու ցանկությունը և ստիպել նրանց զգալի խմբավորումներ պահել իրենց հյուսիսային սահմաններին, որոնք, հետևաբար, չեն կարող մասնակցել մարտերին երկրի հարավում և արևելքում:
Տաթև Ֆռանգյան
