29.10.2026 | 11:32
Իսրայելում ընտրությունների հաշվարկը մոտենում է ավարտին․ մեծամասնություն չի նշմարվում
Արցախի պատգամավորների հետ միջխորհրդարանական առցանց նիստի գաղափարը կարող ենք քննարկել․ Ալեն Սիմոնյան․ ՏԵՍԱՆՅՈՒԹ
Քաղաքականություն
16.01.2023 | 10:43
Մեկնարկել է ԱԺ 8-րդ գումարման 5-րդ նստաշրջանի հերթական քառօրյան։ Օրակարգում ներառված է 25 հարց։
«Հայաստան» խմբակցության քարտուղար Արծվիկ Մինասյանը ԱԺ նախագահ Ալեն Սիմոնյանից հետաքրքրվեց՝ ժամանա՞կը չէ Արցախի գործընկերների հետ քննարկում-հանդիպում կազմակերպելու կամ այցելելու:
«Դուք հանդիսանում եք Հայաստան-Արցախ միջխորհրդարանական հանձնաժողովի նախագահ, չնայած մի քանի անգամ ընդդիմությունն առաջարկել է, պահանջել, որ տեղի ունենա նիստ, բայց այդպես էլ չի կայացել: Հիմա դուք ի՞նչ կարող եք ասել այդ մասին, նախատեսվա՞ծ է արդյոք հանդիպում, քննարկում պատգամավորների միջև՝ համատեղ ելքեր գտելու համար», – հետաքրքրվեց Մինասյանը:
Ալեն Սիմոնյանը պատասխանեց, որ հանդիպում նախատեսված էր սեպտեմբերի 19-ին, բայց սեպտեմբերի 13-14-ի դեպքերի պատճառով այդ հանդիպումը հետաձգվեց:
«Ստեղծված իրավիճակում նման բան նախատեսելը դժվար է, այս պահին որևէ նման քննարկում չկա Արցախի մեր գործընկերների հետ», – նշեց ԱԺ նախագահը:
Գուցե սա լավ առիթ է պատգամավորական այց կատարելու: Պատգամավորի այս դիտարկմանն ի պատասխան ԱԺ նախագահը նշեց, որ Լաչինի միջանցքի փակ լինելու պատճառով չի պատկերացնում Արցախ մեկնելու առաջարկն ինչպես կարելի է իրագործել:
«Առցանց միջխորհրդարանական նիստի մասին կարող ենք քննարկել, հասկանալ, եթե նման հնարավորություն տեսնում են նաև Արցախի մեր գործընկերները, ինչո՞ւ ոչ», – նշեց Սիմոնյանը:
Մանրամասները՝ տեսանյութում։
