Քաղաքականություն
15.01.2023 | 14:25
Գյումրիի «Մայր Հայաստան» հուշահամալիրի տարածքում մոտ մեկ ժամ ուշացումով սկսվեց Ազգային Ժողովրդական Բևեռի «Շրջափակում հանուն ապաշրջափակման» խորագիրը կրող հավաքը։
Ակցիայի մասնակիցները կրում են «Մեզ իրական դաշնակիցներ են պետք», «Ռուսաստան, հեռացի’ր», «Արցախը Հայաստան է» և այլ կարգախոսներով ցուցապաստառներ։ Մասնակիցները ռուսական կողմից պահանջում են հեռանալ, նույն պահանջը հնչում է նաև Նիկոլ Փաշինյանի հասցեին։ Ցուցարարներն այս անգամ ավտոերթով շարժվեցին դեպի ռուսական 102-րդ ռազմաբազայի երկրորդ մուտքի մոտ, որը շրջափակված է ոստիկանական հատուկ զորքերի կողմից։ Հակառուսական ակցիային մասնակցում են նաև ռուսներ, լուսաբանում են արտերկրյա լրատվամիջոցներ։
Արմիկ Մովսիսյան
