03.10.2026 | 22:08
Հայաստանի հավաքականը ժամանել է Պոդգորիցա
Ովքեր են գրելու վաղվա լուրերը․ Factor TV-ն ամփոփում է ուսանողների հերթական փորձաշրջանը․ ՏԵՍԱՆՅՈՒԹ
Հասարակություն
12.01.2023 | 19:57
Factor TV-ն ամփոփում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակում իրականացվող փորձաշրջանի երրորդ և չորրորդ փուլերը։
Գործնական հմտություններ, իրական ժամանակում տրվող և իրականացվող հանձնարարություններ, լրագրողական վարպետության դասեր ոլորտի հայտնի դեմքերից, դժվարին իրավիճակներում աշխատելու փորձառություն․ սրանք ուսանողների առօրյա աշխատանքի մաս են կազմել փորձաշրջանի ամբողջ ընթացքում։
Միջոցառման ընթացքում Factor TV-ի գործադիր ղեկավար Արևիկ Սահակյանը կիսվեց արդյունքներով․ Factor-ում առաջին քայլերն արած ուսանողներից ոմանք արդեն համալրել են թիմը, մյուսները հայկական առաջատար լրատվամիջոցներում են։
«Ես այսօր կարող եմ հպարտությամբ ասել, որ հայկական մեդիադաշտ ենք գործուղում իրենց մասնագիտությունն իսկապես սիրող, որակյալ լրագրության չափանիշներն արժևորող և արդեն իսկ խոստումնալից մասնագիտական կարողություններ ունեցող երիտասարդ լրագրողների»,- նշեց Սահակյանը։
Նախորդ՝ 2022 թվականի փորձաշրջանն ամփոփող այս միջոցառմանը ներկա էին ՀՀ-ում հավատարմագրված դեսպաններ, գործընկեր կազմակերպությունների ու լրատվամիաջոցների ներկայացուցիչներ։
Հայաստանում ԵՄ պատվիրակության ղեկավար, դեսպան Անդրեա Վիկտորինը ներկաներին և ուսանողներին ևս մեկ անգամ հիշեցնում է խոսքի ազատության անհրաժեշտության, ապատեղեկատվության ու «ֆեյք նյուզի» դեմ պայքարի կարևորության մասին։
Մանրամասները՝ տեսանյութում։
Անահիտ Հակոբյան
