03.08.2026 | 16:56
Գելենջիկի մոտ լողափին հանգստացողների վրա ուկրաինական ԱԹՍ է ընկել․ զոհվել է 6 մարդ, կան տասնյակ վիրավորներ․ ՏԵՍԱՆՅՈՒԹ
Շրջափակման ընթացքում Արցախում 1000 աշխատատեղ է կրճատվել. Պետնախարարի խորհրդական․ ՏԵՍԱՆՅՈՒԹ
Հասարակություն
12.01.2023 | 14:28
2020 թվականի պատերազմից հետո էապես փոխվել է Արցախի տնտեսության կառուցվածքը, նոր ծախսեր իրականացնելու պատճառով բյուջետային և տնտեսական բազմաթիվ խնդիրներ առաջացել։ Այս մասին «Մեկ ամիս շրջափակման մեջ․ հումանիտար ճգնաժամ» տեսակամուրջի ընթացքում հայտարարեց Արցախի պետական նախարարի խորհրդական Մեսրոպ Առաքելյանը։
«2022 թվականի դեկտեմբերի 12-ից ճանապարհի փակման արդյունքում 2022 թվականի պետական բյուջեի մասով թեև աշխատավարձերի և կենսաթոշակների վճարումը դեկտեմբեր ամսվա համար ամբողջությամբ կատարվել է, սակայն պարտավորությունների մի մասը պետական բյուջեի դեկտեմբեր ամսին ամրագրվեց լրացուցիչ դեֆիցիտի տեսքով»,-ասաց Առաքելյանը, հավելելով, որ այդ պարտավորությունները ստիպված կատարվելու են այս տարվա ընթացքում։
Լաչինի միջանցքի փակումից ի վեր բազմաթիվ ընկերություններ, բազմաթիվ ոլորտներ հնարավորություն չունեն աշխատելու, որը ոչ միայն հարկային եկամուտների էական նվազեցում է առաջացնում, այլ նաև աշխատատեղերի։
«Այս պահին ցավով պետք է արձանագրենք, որ արդեն 1000-ից ավելի աշխատատեղերի կրճատում, բիզնեսների ժամանակավոր փակման գործընթաց է տեղի ունենում և 2023 թվականի պետական բյուջեն էականորեն փոխելու է իր կառուցվածքը»,- նշեց Առաքելյանը։
Մանրամասները՝ տեսանյութում։
