Քաղաքականություն
11.01.2023 | 20:14
Ազգային ժողովը ուրբաթ Խորհրդի նիստում կորոշի՝ բացակաների քանակը գերազանցած պատգամավորների հարցով դիմելո՞ւ է ՍԴ, թե՞ ոչ։ Factor.am-ին այս մասին հայտնեց ԱԺ նախագահի խոսնակ Ծովինար Խաչատրյանը:
«Խոսքը իմպերատիվ բնույթով հրավիրվող Խորհրդի նիստի մասին, որը հրավիրվում է այն դեպքում, երբ կան բացակաների թույլատրելի սահմանը գերազանցած պատգամավորներ»,- պարզաբանեց խոսնակը։
Ըստ ԱԺ կայքում հրապարակված տվյալների՝ բացակաների թույլատրելի քանակը գերազանցել են «Հայաստան» խմբակցության պատգամավորներ՝ Իշխան Սաղաթելյանը, Աննա Գրիգորյանը, Արմեն Ռուստամյանը, Սեյրան Օհանյանը, Էլինար Վարդանյանը, Արծվիկ Մինասյանը, Արգիշտի Գևորգյանը, Գեղամ Մանուկյանը, Քրիստինե Վարդանյանը, Աղվան Վարդանյանը, Աննա Գրիգորյանը, Ագնեսա Խամոյանը, Անդրանիկ Թևանյանը, Աշոտ Սիմոնյանը, Արմեն Չարչյանը, Ասպրամ Կրպեյանը, Արմենուհի Կյուրեղյանը, Թադևոս Ավետիսյանը, Արթուր Սարգսյանը, Արթուր Խաչատրյանը, Արեգնազ Մանուկյանը, Գեղամ Նազարյանը, Զեմֆիրա Միրզոյանը:
Շողիկ Գալստյան
