21.03.2026 | 15:55
Հայտնի է՝ ինչ է ներառում Հայաստանում «Յուվենտուսի» ակադեմիայի ծրագիրը
Ցույց Ֆրանսիայի ԱԺ շենքի մոտ՝ հաջակցություն 120 հազար արցախահայերի․ ԼՈՒՍԱՆԿԱՐՆԵՐ
Քաղաքականություն
11.01.2023 | 15:12
«Մոբիլիզացիա Ֆրանսիայի հայկական կազմակերպությունների համակարգող խորհրդի կոչով՝ աջակցելու թուրք-ադրբեջանական դաշինքի կողմից 30 օր պատանդ վերցված Արցախի 120,000 հայերին»,- թվիթերի իր միկրոբլոգում նման գրառում է արել ֆրանսիացի պատգամավոր Սառա Տանզիլին՝ Ֆրանսիայի Ազգային ժողովի շենքի մոտ նախօրեին անցկացված ցույցից լուսանկարներ հրապարակելով։
Հիշեցնենք, որ հունվարի 10-ին Ֆրանսիայի Ազգային ժողովի դիմաց հաջակցություն Արցախի ցույց էր կազմակերպվել։
«Հայերը, մասնավորապես՝ 120 հազար արցախահայերը, որոնք Ադրբեջանի դաժան շրջափակման զոհն են, ապավինում են մեր աջակցությանը»,- նախորդ օրը թվիթերի իր միկրոբլոգում գրել էր ֆրանսիացի սենատոր Վալերի Բուայեն՝ հեշթեգերում նշելով՝ #ԱդրբեջանականԱգրեսիա, #ԱրցախՇրջափակում, #Ղարաբաղ, #Բռնապետ Ալիև։
«Մենք՝ խորհրդարանականներս, մոբիլիզացվել ենք, որպեսզի այս տղամարդիկ և կանայք վերջապես կարողանան ապրել խաղաղության և ապահովության մեջ։ Հայերն ունեն իմ լիակատար աջակցությունը՝ ազատության և իրենց իրավունքների հարգման համար այս պայքարում»,- գրել է Սառա Տանզիլին։
Անահիտ Խաչատրյան
