15.01.2025 | 14:08
Ինչ է առաջարկում Հայկ Մարությանը տրանսպորտի սակագնի վերաբերյալ․ ՏԵՍԱՆՅՈՒԹ
Ֆրանսիայում այսօր հաջակցություն Արցախի ցույց կանցկացվի․ սենատոր Վալերի Բուայե
Քաղաքականություն
10.01.2023 | 10:36
Ֆրանսիացի սենատոր Վալերի Բուայեն թվիթերի իր միկրոբլոգում արված գրառմամբ տեղեկացնում է, որ այսօր՝ հունվարի 10-ին, տեղական ժամանակով ժամը 18։30-ին Ֆրանսիայի Ազգային ժողովի դիմաց հաջակցություն Արցախի ցույց են նախաձեռնել։
«Հայերը, մասնավորապես՝ 120 հազար արցախահայերը, որոնք Ադրբեջանի դաժան շրջափակման զոհն են, ապավինում են մեր աջակցությանը։ Ուստի, եկեք ցույց անենք երեքշաբթի՝ հունվարի 10-ին, ժամը 18:30-ին, Ազգային ժողովի շենքի դիմաց»,- գրել է Բուայեն՝ հեշթեգերում նշելով՝ #ԱդրբեջանականԱգրեսիա, #ԱրցախՇրջափակում, #Ղարաբաղ, #Բռնապետ Ալիև, #Ստեփանակերտ։
Նշենք, որ Ադրբեջանը 2022 թ. դեկտեմբերի 12-ից փակ է պահում Արցախը Հայաստանին ու արտաքին աշխարհին կապող միակ ճանապարհը՝ Լաչինի միջանցքը: Ճանապարհի փակ լինելու պատճառով Հայաստանից Արցախ չի կարողացել վերադառնալ 1100 մարդ, որոնց թվում՝ 270 երեխա: Խախտված են անձանց ազատ տեղաշարժի, նվազագույն կենսամակարդակի ապահովման, բժշկական խնամք ստանալու, կրթության և այլ իրավունքներ։
Անահիտ Խաչատրյան
