16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Ոսկե գլոբուս 2023». Սթիվեն Սփիլբերգը և Քեյթ Բլանշեթը արժանացել են գլխավոր մրցանակի
Քաղաքականություն
11.01.2023 | 23:13
Լոս Անջելեսում տեղի է ունեցել «Ոսկե գլոբուս» 80-րդ մրցանակաբաշխությունը։ Գլխավոր հաղթողներ են դարձել ռեժիսոր Սթիվեն Սփիլբերգը, դերասանուհի Քեյթ Բլանշեթը և դերասան Օսթին Բաթլերը։
Սփիլբերգն արժանացել է «Լավագույն ռեժիսոր» մրցանակին՝ «Ֆաբելմանները» ֆիլմի համար, որը պատմում է հասունացման մասին, և որում հայտնի հոլիվուդյան ռեժիսորը մասամբ նկարագրել է իր պատանեկությունն ու երիտասարդությունը: Ֆիլմը հաղթել է նաև «Լավագույն ֆիլմ» անվանակարգում։
Քեյթ Բլանշեթը «Ոսկե գլոբուս» է ստացել «Թառ» ֆիլմի համար՝ «Լավագույն դերասանուհի» անվանակարգում, որտեղ նա մարմնավորել է Բեռլինի ֆիլհարմոնիկ նվագախմբի դիրիժորին։ Դերասանուհին չի մասնակցել արարողությանը, քանի որ այժմ նկարահանումների է Մեծ Բրիտանիայում։
Օսթին Բաթլերն արժանացել է «Լավագույն դերասան» մրցանակին «Էլվիս» ֆիլմի համար, որը հայտնի երգիչ Էլվիս Փրեսլիի մասին կենսագրական ֆիլմ է, ռեժիսորն է Բազ Լուրմանը:
Իռլանդացի դերասան Քոլին Ֆարելը ճանաչվել է «Լավագույն դերասան»՝ «Կատակերգություն/մյուզիքլ» անվանակարգում՝ «The Banshees of Inisherin» տրագիկոմեդիայի համար, որի իրադարձությունները տեղի են ունենում հեռավոր իռլանդական կղզում: Այս ժապավենը լավագույնն է ճանաչվել նաև «Կատակերգություն/մյուզիքլ» անվանակարգում, «Ոսկե գլոբուս» է ստացել նաև դրա սցենարիստ Մարտին Մակդոնահը։
Միշել Յեոն «Կատակերգության/մյուզիքլ» անվանակարգում արժանացել է «Լավագույն դերասանուհի» մրցանակի՝ «Ամեն ինչ, ամենուր, ամբողջը միանգամից» գիտաֆանտաստիկ կատակերգության համար։
«Լավագույն անիմացիոն ֆիլմ» անվանակարգում հաղթել է Գիլերմո դել Տորոյի «Պինոկիոն»:
Դերասան Էդդի Մերֆին այս տարի ստացել է հեղինակավոր Սեսիլ Բ. ԴեՄիլ մրցանակը կինեմատոգրաֆիայի գերազանցության համար։
«Վիշապի տունը» և «Գահերի խաղը» ճանաչվել են «Լավագույն հեռուստասերիալ»:
Արարողությանը հեռարձակվել է նաև Ուկրաինայի նախագահ Վլադիմիր Զելենսկու տեսաուղերձը։ Նրան ներկայացրել է դերասան Շոն Փենը, որը բազմիցս այցելել է Ուկրաինա լայնամասշտաբ պատերազմի սկսվելուց հետո։
Տաթև Ֆռանգյան
