29.10.2026 | 19:44
Արամ Սարգսյանը դիմել է դատախազին՝ «Հարավկովկասյան երկաթուղու» գործունեության առնչությամբ քրեական վարույթ հարուցելու պահանջով
Թեհրանի և Բաքվի միջև թյուրիմացությունը լուծվել է․ Իրանի խորհրդարանի խոսնակ
Քաղաքականություն
10.01.2023 | 13:37
Իրանի խորհրդարանի խոսնակ Մոհամեդ Բաղեր Ղալիբաֆը հայտարարել է, որ Թեհրանի և Բաքվի միջև թյուրիմացությունը լուծվել է։ Mehr գործակալության փոխանցմամբ՝ այս մասին Ղալիբաֆն ասել է Ասիական խորհրդարանների վեհաժողովի 13-րդ նստաշրջանին մասնակցելու նպատակով Թուրքիա այցից հետո լրագրողների հետ զրույցում՝ անդրադառնալով իր և Ադրբեջանի Մեջլիսի խոսնակ Սահիբա Գաֆարովայի հանդիպմանը։
Խոսելով նիստի շրջանակում Իրանի, Ադրբեջանի և Թուրքիայի խորհրդարանների նախագահների եռակողմ հանդիպման մասին՝ Ղալիբաֆը նշել է, որ քննարկվել են երեք երկրների միջև ապրանքների փոխադրման և տարանցման, ինչպես նաև էներգետիկայի հետ կապված հարցեր։
Հանդիպման ընթացքում կողմերը քննարկել են նաև երկրների ղեկավարների, արտաքին գործերի և պաշտպանության նախարարների մակարդակով եռակողմ հանդիպումներ անցկացնելու հարցը։
Նշելով, որ Իրանի և Ադրբեջանի միջև առաջացած վերջին թյուրիմացությունը լուծվել է, Ղալիբաֆը հայտնել է առաջիկայում Բաքու կատարելիք այցի մասին։
Էմմա Չոբանյան
