29.10.2026 | 15:37
ՌԴ ԶՈՒ-ն Դնեպրում էլեկտրագնացքի է հարվածել․ զոհվել է 13 մարդ
Թեհրանը դեմ է սահմանների աշխարհաքաղաքական փոփոխությանը․ Իրանի խորհրդարանի խոսնակը՝ Ադրբեջանի իր գործընկերոջը
Քաղաքականություն
10.01.2023 | 11:26
Իրանի խորհրդարանի խոսնակ Մոհամեդ Բաղեր Ղալիբաֆը նախօրեին հանդիպել է Ադրբեջանի Միլի Մեջլիսի նախագահ Սահիբա Գաֆարովային, գրում է Irna գործակալությունը։ Ղալիբաֆն ու Գաֆարովան հանդիպել են թուրքական Անթալիա քաղաքում Ասիական խորհրդարանական վեհաժողովի շրջանակներում։
Ղալիբաֆն իր ադրբեջանցի գործընկերոջն ասել է, Իրանի Իսլամական Հանրապետությունը մերժում է տարածաշրջանում այլ երկրների միջամտությունը և չի ընդունի սահմաններին որևէ աշխարհաքաղաքական փոփոխություն։ Նա նշել է, որ խորհրդարանական փոխգործակցությունը կարող են մեծ դեր խաղալ երկու հարևանների միջև հարաբերությունների զարգացման գործում ու հավելել, որ Իրանը պատրաստ է ընդլայնել Ադրբեջանի հետ առևտուրն ու տարանցիկ փոխադրումները։
Գաֆարովան, իր հերթին, ասել է, որ Թեհրանի և Բաքվի միջև համագործակցության բազմաթիվ հիմքեր կան։ Նա նաև նշել է, որ Ադրբեջանը աջակցում է «տարածաշրջանում խաղաղությանն ու կայունությանը»։
Բացի այդ նախօրեին տեղի է ունեցել նաև Իրանի, Թուրքիայի ու Ադրբեջանի խորհրդարնների ղեկավարների հանդիպումը։ Մոհամեդ Բաղեր Ղալիբաֆը, Մուստաֆա Շենթոփն ու Սահիբա Գաֆարովան, ըստ պաշտոնական հաղորդագրության, քննարկել են տարածաշրջանային հարցեր՝ քաղաքական ու տնտեսական հարաբերությունները զարգացնելու նպատակով։
Էմմա Չոբանյան
