Լավրովը խոստովանեց՝ ՌԴ-ն կա՛ միջանցքի փակման հարցում․ օդով բեռ չի տանի Արցախ․ Ստեփան Գրիգորյան․ ՏԵՍԱՆՅՈւԹ

Ինչո՞ւ ՌԴ-ն Գյումրիի իր ռազմաբազայից հումանիտար բեռներ չի տեղափոխում Արցախ․ ռուսների տիրապետության ներքո է Ստեփանակերտի օդանավակայանը։ 2020-ի պատերազմի ավարտից մի քանի օր անց էլ ՌԴ ՊՆ-ն հայտնել էր, որ միացրել է ՀՀ-ի և ԼՂ-ի հակաօդային պաշտպանության համակարգը։ Այսինքն՝ ՌԴ-ն ունի վերահսկողություն թե՛ ՀՀ-ի, թե՛ ՌԴ-ի օդային տարածքի վրա՝ դատելով այդ հայտարարությունից։ Քաղաքագետ Ստեփան Գրիգորյանը գտնում է, որ իրապես հնարավոր է ռուսական օդանավով բեռների մատակարարումը Արցախ, ուղղակի ՌԴ-ն չի ուզում անել դա․ «Մենք պետք է հասկանանք, որ այդ ճանապարհը փակեց ո՛չ միայն Ադրբեջանը, այդ պրոցեսում կա նաև Ռուսաստանը։ Երբ ՌԴ արտգործնախարար Սերգեյ Լավրովն ասում է, որ կան նախապայմաններ, ինքն ի պաշտոնե խոստովանում է, որ ՌԴ-ն կա Լաչինի միջանցքի փակման հարցում»։

Հունվարի 3-ին ՀՀ ԱԳՆ-ն Լաչինի միջանցքի փակման հարցով տարածել էր հայտարարություն, որում բացի Ադրբեջանին ուղղված շրջափակումը վերացնելու պահանջից, կար ուղերձ նաև ՌԴ-ին։ Հիշեցնելով, որ նոյեմբերի 9-ի հայտարարությամբ Ադրբեջանը երաշխավորում է միջանցքով երթևեկության անվտանգությունը, իսկ Լաչինի միջանցքը գտնվում է Լեռնային Ղարաբաղում տեղակայված ՌԴ խաղաղապահ զորախմբի վերահսկողության ներքո, ՀՀ ԱԳՆ-ն նշել է, որ ակնկալում է ՌԴ-ից հստակ ջանքեր՝ ուղղված այս կոպտագույն խախտումն առանց որևէ նախապայմանի վերացնելուն:

Քաղաքագետը ՀՀ իշխանություններին առաջարկում է կրկին դիմել ՄԱԿ-ի ԱԽ-ին, բայց այս անգամ որպես Ադրբեջանի հետ միասին միջանցքը բլոկադայի ենթարկող կողմ նշել նաև ՌԴ-ին։

Հարցազրույցն ամբողջությամբ՝ տեսանյութում։

Ռոբերտ Անանյան