30.10.2026 | 21:10
Սպիտակի գործող համայնքապետը կրկին առաջադրվում է․ ինչ պատմություններով է հիշվում Քաջայր Նիկողոսյանը
Թորոս Ղազարյանին 7 օր փաստացի գերության մեջ են պահել․ ԱՀ ԱԱԾ-ն հերքում է Բաքվի ապատեղեկատվությունը․ ՏԵՍԱՆՅՈՒԹ
09.01.2023 | 18:00
Ադրբեջանական լրատվամիջոցները ապատեղեկատվություն են տարածել, թե իբր Արցախի բնակիչը հանդիպել է Ստեփանակերտ-Գորիս ավտոճանապարհը փակած, այսպես ասած, էկոակտիվիստների հետ։ Թե ինչ է կատարվել իրականում, մանրամասնել է ԱՀ ԱԱԾ-ն։
2023 թ. հունվարի 1-ին Արցախի Հանրապետության Մարտունու շրջանի Ճարտար քաղաքի բնակիչ Թորոս Ղազարյանը, որը զբաղվում է անասնապահությամբ, արոտավայրից տուն չէր վերադարձել: Որոնողական աշխատանքներն արդյունք չէին տվել: Ավելի ուշ ԱՀ ԱԱԾ-ից հայտնել են, որ առողջական խնդիրների պատճառով Ղազարյանը կարող էր մոլորվելու հետևանքով անցնել Ադրբեջանի զինված ուժերի վերահսկողության տակ գտնվող տարածք։
Այդ մասին հաղորդվել էր նաև Արցախում ռուսական խաղաղապահ զորակազմի ղեկավարությանը՝ ադրբեջանական կողմից տեղեկություն ստանալու նպատակով:
Մոտ մեկ շաբաթ բանակցելուց հետո է միայն Ադրբեջանը հաստատել Ղազարյանի՝ իրենց մոտ գտնվելու հանգամանքը և Ստեփանակերտ-Գորիս ավտոճանապարհի արգելափակված հատվածում փոխանցել ռուս խաղաղապահներին:
Թորոս Ղազարյանին 7 օր փաստացի գերության մեջ են պահել։
Մանրամասները՝ տեսանյութում։
