30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Իրանի ԱԳՆ մամուլի քարտուղարը խոսել է Թեհրանի ու Բաքվի «սառը հարաբերությունների» մասին
Քաղաքականություն
09.01.2023 | 15:28
Իրանի ԱԳՆ մամուլի խոսնակ Նասեր Քանանին այսօրվա ճեպազրույցում անդրադարձել է նաև Թեհրանի ու Բաքվի «սառը հարաբերությունների» մասին հարցին, գրում է Irna գործակալությունը։
«Մեր հարաբերությունները Ադրբեջանի հետ հաստատված են։ Ես չեմ ընդունում սառը հարաբերությունների մասին պնդումները։ Չնայած որոշ թյուրիմացություններին՝ հարաբերությունները պահպանվում են, և, ելնելով հարևանության, սահմանների, պատմության, ընդհանուր և քաղաքական շահերից, երկրները պարտավոր են սահմանել երկու երկրների միջև համագործակցության նոր ոլորտներ, և եթե թյուրիմացություններ լինեն, ապա դրանք պետք է լուծել դիվանագիտական բանակցությունների շրջանակում»,-ասել է Քանանին։ Նա նշել է, որ դրական արձագանքներ կան Ադրբեջանից և Իրանը շարժվելու է նույն ուղղությամբ։
Հավելենք, որ Ադրբեջանում Իրանի դեսպան Աբբաս Մուսավին օրերս Թեհրանում էր`խորհրդակցությունների նպատակով: ԱԳ նախարար Հոսեյն Աբդոլլահիանի հետ հանդիպմանը նա ներկայացրել էր երկկողմ հարաբերությունների վերջին զարգացումները և ապագա ծրագրերի մասին զեկույցը։
Էմմա Չոբանյան
