17.05.2026 | 16:02
Սպասվում է անձրև և ամպրոպ, տեղ-տեղ հնարավոր է նաև կարկուտ․ օդի ջերմաստիճանը կնվազի
Դպրոցների մոտ բուժքույրերը ստուգումներ կիրականացնեն. Անահիտ Ավանեսյան․ ՏԵՍԱՆՅՈՒԹ
05.01.2023 | 13:35
«Դպրոցների մուտքերի մոտ բուժքույրերը կիրականացնեն զննություն, ջերմաչափում, որպեսզի վստահ լինենք, որ հիվանդ երեխաները չեն հաճախում»,- Կառավարության նիստից հետո լրագրողների հետ ճեպազրույցում նշեց առողջապահության նախարար Անահիտ Ավանեսյանը:
«Մենք կհետևենք դպրոցներում աշակերտների հաճախումներին։ Եթե նկատենք բարձրացում, մեր հետագա գործողությունները կիրականացնենք»,- ասաց նա:
Նախարարի խոսքով՝ տոնական օրերին սուր շնչառական վարակներով ու գրիպով հիվանդացության աճ չի գրանցվել։
«Վերջին մեկ ամսվա ընթացքում ինտենսիվությունը պահպանվում է նույն մակարդակի վրա», – նշեց Ավանեսյանը:
Մանրամասներ հայտնելով Արցախից ՀՀ տեղափոխված արցախցիների առողջական վիճակի մասին՝ նախարարը նշեց, որ այս պահին ՀՀ-ում գտնվող արցախցիների առողջական վիճակը բավարար է, նրանք ստանում են անհրաժեշտ բուժօգնություն:
Մանրամասները՝ տեսանյութում։
