10.07.2026 | 12:03
Կասիլյասը ֆուտբոլում ձևաչափի փոփոխություն է առաջարկել ԱԱ-2026-ում ջրային դադարների ֆոնին
ՓՊ-ն դատապարտում է ցանկացած բռնություն, ինչպես նաև վիրավորող ու զրպարտող հայտարարություններ. Արա Զոհրաբյանը՝ փաստաբանների վրա իրականացված հարձակման մասին
Հասարակություն
27.04.2017 | 17:43
ՀՀ Փաստաբանների պալատի նախագահ Արա Զոհրաբյանը հանդես եկել հայտարարությամբ՝ փաստաբան Տիգրան Աթանեսյանի աշխատասենյակում տեղի ունեցած միջադեպի առնչությամբ և անդրադարձել է նաև փաստաբան Տիգրան Աթանեսյանի հայտարարությանը, ըստ որի՝ հարձակումը եղել է Փաստաբանների պալատի նախագահի հրահանգով:
Արա Զոհրաբյանի հայտարարության մեջ, մասնավորապես, ասվում է. «Հայաստանի Հանրապետության փաստաբանների պալատը դատապարտում է ցանկացած բռնություն, ինչպես նաև վիրավորանք և զրպարտություն պարունակող հայտարարությունները և հրապարակումները, առավել ևս, երբ կողմերը փաստաբաններ են։
Անշուշտ ճշմարտությունը պետք է բացահայտվի, իսկ մեղավորները պետք է ենթարկվեն պատասխանատվության։
Միևնույն ժամանակ հորդորում ենք զերծ մնալ զգացմունքային և չստուգված հայտարարություններից և միակողմանի տեղեկատվության հիման վրա կարծիք չձևավորել»։
