29.10.2026 | 19:07
COP17-ի շրջանակում ներկայացվել է բնապահպանական վերահսկողության թվայնացման Հայաստանի փորձը․ ԲԸՏՄ
BMW-ն դուրս է եկել ճանապարհից, վրաերթի ենթարկել մի քաղաքացու և բախվել շենքի պատին
30.12.2022 | 20:38
Դեկտեմբերի 30-ին, ժամը 12։28-ին Ճգնաժամային կառավարման ազգային կենտրոն տեղեկություն է ստացվել, որ Երևանի Թբիլիսյան խճուղում գտնվող «Երազ այգու» մոտակայքում տեղի է ունեցել ՃՏՊ․ ավտոմեքենան բախվել է պատին․ կա արգելափակված քաղաքացի։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «BMW 528» մակնիշի ավտոմեքենան (վարորդ՝ Վ․ Ղ․, ծնված 1979 թ․) դուրս է եկել ճանապարհի երթևեկելի հատվածից, վրաերթի ենթարկել Ա․ Ա․-ին (ծնված 1955 թ․) և բախվել շենքի պատին։
Փրկարարները վարորդին և տուժած հետիոտնին մոտեցրել են շտապօգնության ավտոմեքենային․ Վ․ Ղ․-ն հոսպիտալացվել է «Հերացի» թիվ 1 հիվանդանոցային համալիր, իսկ Ա․ Ա․-ն՝ «Իզմիրլյան» ԲԿ, որտեղ բժիշկները տուժածների առողջական վիճակը գնահատել են համապատասխանաբար միջին ծանրության և բավարար։
Փրկարարները հոսանքազրկել են ավտոմեքենան և դադարեցրել վառելիքի արտահոսքը։
