30.11.2024 | 11:13
Դրամն արժեզրկվում է․ արտարժույթների փոխարժեքները՝ նոյեմբերի 30-ի դրությամբ
Հարձակումներից հետո ՌԴ-ն կրճատել է «Էնգելս» ավիաբազայում ռազմական ինքնաթիռների թիվը
Քաղաքականություն
30.12.2022 | 20:51
Ռուսաստանն անօդաչու թռչող սարքերով Սարատովի շրջանի «Էնգելս» ավիաբազայի վրա հարձակումներից հետո էականորեն կրճատել է այնտեղ տեղակայված ռազմական ինքնաթիռների թիվը։ Այս մասին հայտնում է The Drive պորտալը՝ ուսումնասիրելով արբանյակային լուսանկարները, գրում է DW-ի ռուսական ծառայությունը։
Այսպիսով, դեկտեմբերի 29-ի լուսանկարներում օդանավակայանում տեսանելի են միայն 11 ռմբակոծիչներ, մինչդեռ նոյեմբերի 29-ին արբանյակները գրանցել են 26 ռմբակոծիչների առկայություն։ Միաժամանակ, լուսանկարներում դեկտեմբերի 26-ին և 29-ին անօդաչու սարքերի հարձակումներից հետո ակնհայտ վնասներ չկան։
Հիշեցնենք, որ ՌԴ ՊՆ-ն հայտնել էր, որ դեկտեմբերի 26-ի գիշերը ռուսական ՀՕՊ համակարգերը Սարատովի մարզի «Էնգելս» ռազմական ավիաբազային մոտենալիս խոցել են ուկրաինական անօդաչու թռչող սարք։ Գերատեսչության հաղորդմամբ՝ անօդաչուի բեկորների անկման հետևանքով մահացու վիրավորում է ստացել երեք զինծառայող։
Էմմա Չոբանյան
