17.08.2026 | 11:05
Բանավոր հրահանգ էիք տվել, որ 56 հազար բնակչություն ունեցող համայնքը հոսանքազրկեն․ Գարիկ Սարգսյանը՝ Դավիթ Ղազինյանին․ ՏԵՍԱՆՅՈՒԹ
Թուրքիայի ՊՆ ղեկավարը խոսել է էրդողանի և Ասադի հանդիպման հնարավորության մասին
Քաղաքականություն
30.12.2022 | 22:33
Թուրքիայի և Սիրիայի նախագահներ Ռեջեփ Թայիփ Էրդողանի ու Բաշար Ասադի հանդիպումը կարող է տեղի ունենալ, երբ դրա համար պայմաններ լինեն։ Այս մասին հայտարարել է Թուրքիայի պաշտպանության նախարար Հուլուսի Աքարը թուրքական NTV հեռուստալիքի հետ զրույցում, փոխանցում է ՏԱՍՍ-ը։
«Հանդիպումը կարող է տեղի ուեննալ, երբ պայմանները հասունանան»,- ասել է Աքարը՝ մեկնաբանելով դեկտեմբերի 28-ին Մոսկվայում Սիրիայի ՊՆ ղեկավարի հետ բանակցությունները։
«Սկզբում Սիրիայի հետ բանակցություններն ընթացել են հետախուզական մակարդակով, այնուհետև հանդիպել ենք մենք։ Մենք կողմնակից ենք, որ շփումները շարունակվեն, դրանք կշարունակվեն եռակողմ ձևաչափով։ Բանակցային գործընթացի ավարտից հետո կարող է տեղի ունենալ նախագահների հանդիպումը»,- հավելել է Աքարը։
Մոսկվայի բանակցություններին մասնակցել է նաև ռուսական կողմը։ Աքարի խոսքով՝ բանակցությունների հիմնական թեման եղել է ահաբեկչության դեմ պայքարը։
Հավելենք, որ Էրդողանն ավելի լրագրողներին ասել էր, որ առաջարկել է ՌԴ նախագահ Վլադիմիր Պուտինին եռակողմ հանդիպում անցկացնել Սիրիայի նախագահի մասնակցությամբ։
Էմմա Չոբանյան
