06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Վլադիմիր Պուտինն ու Սի Ցզինպինը տեսակապով զրուցել են․ քննարկել են երկկողմ հարաբերությունները
Քաղաքականություն
30.12.2022 | 18:47
ՌԴ նախագահ Վլադիմիր Պուտինը և Չինաստանի նախագահ Սի Ցզինպինն այսօր տեսակապի միջոցով կայացած բանակցությունների ընթացքում, ի թիվս այլ հարցերի, քննարկել են երկու երկրների հարաբերությունները։ Երկխոսությունը տևել է մոտ ութ րոպե, հայտնում է DW-ի ռուսական ծառայությունը։
Պուտինն ընդգծել է, որ նպատակ ունի խորացնել համագործակցությունը ռազմական ոլորտում, մասնավորապես՝ Ռուսաստանի Դաշնության և Չինաստանի զինված ուժերի միջև։ Սին, իր հերթին, վստահեցրել է զրուցակցին, որ Չինաստանը պատրաստ է Ռուսաստանի հետ գլոբալ գործընկերության՝ «բարդ միջազգային իրադրության» պայմաններում։
Բացի այդ, Չինաստանի ղեկավարը պատրաստակամություն է հայտնել Պուտինի հետ «կանոնավոր հիմունքներով» քննարկել միջազգային հարաբերությունները և երկու կողմերին հետաքրքրող արդիական հարցեր։
ՌԴ նախագահը նշել է, որ ակնկալում է, որ Չինաստանի առաջնորդը պետական այց կկատարի Մոսկվա 2023 թվականի գարնանը։ Նման այցը, ըստ Պուտինի, «ամբողջ աշխարհին ցույց կտա ռուս-չինական ամուր կապերը» և «կդառնա երկկողմ հարաբերություններում տարվա գլխավոր քաղաքական իրադարձությունը»։
Դեկտեմբերի 20-ին Չինաստանի նախագահը հեռախոսազրույց է ունեցել Գերմանիայի նախագահ Ֆրանկ-Վալտեր Շտայնմայերի հետ։ Ի թիվս այլ հարցերի, քննարկվել է Ուկրաինայի դեմ Ռուսաստանի Դաշնության ագրեսիվ պատերազմը։ Գերմանացի քաղաքական գործիչը Սիին խնդրել է ազդել Պուտինի վրա, հայտնել են Շտայնմայերի գրասենյակից։
Տաթև Ֆռանգյան
