27.06.2026 | 15:00
Ուկրաինան հարվածել է Մոսկվային վառելիք մատակարարող «Վտորովո» նավթամղիչ կայանին. meduza
Ադրբեջանն Իսրայելում իր առաջին դեսպանին է նշանակել
Քաղաքականություն
30.12.2022 | 19:39
Բաքուն նշանակել է Իսրայելում իր առաջին դեսպանին, հայտնում են ադրբեջանական լրատվամիջոցները։ Սակայն պաշտոնական հայտարարություն այս մասով դեռ չկա։
Նշվում է, որ Իսրայելում Ադրբեջանի դեսպան է նշանակվել գիտության և կրթության փոխնախարար Մուխթար Մամեդովը։ Նա 2005-2013թթ․ աշխատել է Արտաքին գործերի նախարարությունում, այդ թվում՝ 2009-2013 թվականներին՝ Բելգիայում Ադրբեջանի դեսպանատանը։ 2013 թվականից գտնվում է կրթության նախարարության ծառայության մեջ, եղել է միջազգային համագործակցության վարչության պետ, ղեկավարել է այս գերատեսչության ապարատը, իսկ անցյալ տարվա ապրիլից փոխնախարար է։ Նա համակարգել է Իսրայելի հետ գիտության ու կրթության ոլորտում ինովացիոն համագործակցության ծրագրերը։
Հիշեցնենք, որ նոյեմբերին Ադրբեջանի Միլի Մեջլիսն Իսրայելում դեսպանատուն բացելու որոշում էր ընդունել, որը մեծ ոգևորությամբ է ընդունվել Իսրայելի իշխանությունների շրջանում։ Ադրբեջանի ԱԳ փոխնախարար Ֆարիզ Ռզաևն էլ այս օրերին պաշտոնական այցով Իսրայելում է՝ վերահսկելու Թել Ավիվում Ադրբեջանի դեսպանատան բացման նախապատրաստական աշխատանքները։
Էմմա Չոբանյան
