05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Իսրայելի նոր կաբինետի հակառակորդները բողոքի ցույց են անցկացրել Թել Ավիվում
Քաղաքականություն
30.12.2022 | 17:34
Հինգշաբթի երեկոյան հարյուրավոր մարդիկ հավաքվել են Թել Ավիվի կառավարական գրասենյակների մոտ՝ բողոքելով Իսրայելի նոր կաբինետի դեմ, որը գլխավորում է «Լիքուդ»-ի առաջնորդ Բենիամին Նեթանյահուն, հայտնում է Jerusalem Post-ը:
Նշվում է, որ հարյուրավոր մարդիկ բողոքի ցույցի են դուրս եկել Երուսաղեմում՝ Կնեսետի (խորհրդարանի) շենքի մոտ։ Մասնակիցները, մասնավորապես, «Զգույշ եղեք, կոռուպցիան վարակիչ է» գրությամբ պաստառներ են պահել։
Հավաքին միացել է Լեյբորիստական կուսակցության առաջնորդ Մերավ Միքայելին, որը հայտարարել է, որ Իսրայելը պետք է լինի «տուն հրեա ժողովրդի համար, որտեղ բոլորն ունեն լիովին հավասար իրավունքներ և հնարավորություններ»։
Հավելենք, որ հինգշաբթի Նեթանյահուի գլխավորած Իսրայելի նոր կառավարությունը երդում է տվել։
Տաթև Ֆռանգյան
