14.12.2024 | 19:57
Ինչ իրավիճակ է ճանապարհներին 19։35-ի դրությամբ
2023-ին ԱՄՆ-ը Ուկրաինային 45 մլրդ դոլար օգնություն կտրամադրի
Քաղաքականություն
30.12.2022 | 13:20
ԱՄՆ նախագահ Ջո Բայդենը ստորագրել է պետական բյուջեի մաիսն օրենքը, որը նախատեսում է Ուկրաինային 45 մլրդ դոլարի օգնություն հատկացնել, գրում է DW-ի ռուսական ծառայությունը։ Այս գումարը ավելի մեծ է նրանից, ինչ ի սկզբանե Բայդենը խնդրել էր Կոնգրեսից։
ԱՄՆ ընդհանուր բյուջեն, որը հաշվարկվել է մինչև 2023 թվականի սեպտեմբեր ժամանակահատվածի համար, կազմում է 1,7 տրիլիոն դոլար։ Ընդ որում՝ այդ գումարի կեսը (մոտ 858 մլրդ դոլար) նախատեսված է պաշտպանական ոլորտի ֆինանսավորման համար։
Ուկրաինայի աջակցության համար նախատեսված 45մլրդ դոլարից 9-ը ուղղվելու է ռազնական օգնությանը։ Եվս 16 մլրդ դոլար էլ կազմում է տնտեսական ու հումանիտար օգնության ֆինանսավորումը։ 12 միլիարդ դոլարը պետք է ծածկի ԱՄՆ բանակի պաշարները զինամթերքով համալրելու ծախսերը՝ Ուկրաինային հասանելիք մի մասի փոխանցումից հետո։ Վաշինգտոնը ևս 7 միլիարդ դոլար էլ հատկացնելու է Եվրոպայում ամերիկյան զորքերի լրացուցիչ ծախսերի համար։
Հիշեցնենք, որ դեկտեմբերի 21-ին Ուկրաինայի նախագահ Վլադիմիր Զելենսկին ելույթով հանդես էր եկել Կոնգրեսի երկու պալատներում ու կոչ արել ամերիկացի օրենսդիրներին աջակցել իր երկրին լրացուցիչ օգնության տրամադրմանը։
Էմմա Չոբանյան
