07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Տեր Մեսրոպ քահանայի վերաբերյալ Արայիկ Հարությունյանի կարծիքը չի փոխվել
Հասարակություն
12.06.2018 | 12:03
Կրթության և գիտության նախարար Արայիկ Հարությունյանը շարունակում է պնդել, որ Տեր Մեսրոպ քահանան, որը Սերժ Սարգսյանի նախկին խորհրդականն էր, ամենամեծ վնասն է հասցրել հանրակրթությանը։ Այս մասին այսօր լրագրողների հետ զրույցում ասաց նախարարը՝ նշելով, որ իր գնահատականը Արարատյան բակալավրիատի վերաբերյալ կապ չունի անցկացվող աուդիտի հետ։
««Արարատյան բակալավրիատի» աուդիտով չէ, որ ես պետք է իմ կարծիքը հայտնեմ, և շարունակելու եմ պնդել այն»,- ասաց նա։
Հիշեցնենք, որ ՀՀ կրթության և գիտության նախարար Արայիկ Հարությունյանն իր ֆեյսբուքյան էջում գրել էր, որ պատրաստ է հանդիպել «Այբ» կրթական հիմնադրամի ներկայացուցիչների և Արարատյան բակալավրիատի մասնագետների հետ՝ քննարկելու իր մտահոգությունները: Այս մասին նա գրառում էր կատարել իր ֆեյսբուքյան էջում:
Նշենք նաև, որ «Այբ» կրթական հիմնադրամի հոգաբարձուների խորհուրդն իր խիստ մտահոգություն էր հայտնել մայիսի 22-ին ՀՀ ԿԳ նախարար Արայիկ Հարությունյանի՝ «Ֆեյսբուք» սոցիալական ցանցում կատարած հայտարարության վերաբերյալ, որտեղ նշել էր, որ հանձնարարել է կազմակերպել Արարատյան բակալավրիատի ֆինանսական աուդիտ:
