19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Չավուշօղլուն ԱՄՆ-ին մեղադրել է տարածաշրջանում ուժերի հավասարակշռությունը խախտելու մեջ
Քաղաքականություն
29.12.2022 | 17:38
ԱՄՆ-ը Հունաստանի և Կիպրոսի հետ կապված իր քայլերով բացահայտ խախտում է ուժերի հավասարակշռությունը տարածաշրջանում, ինչի մասին Անկարան հստակ հայտարարել է Վաշինգտոնին։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ մեկնաբանելով Հունաստանին զենք մատակարարելու՝ ԱՄՆ-ի քայլերը, գրում է Անադոլու գործակալությունը։
Չավուշօղլուի խոսքով՝ թեև Վաշինգտոնն այլ բան է ասում Անկարային, Թուրքիան «սկսում է փաստերից»։
«Հունաստան զենքի զանգվածային մատակարարումներն ուժերի հավասարակշռության խախտման հստակ ցուցիչ են։ Նույնը կարելի է ասել և Կիպրոսի հունական համայնքի մասին, որի նկատմամբ ԱՄՆ-ը մեկ տարով չեղարկել է զենքի մատակարարման էմբարգոն»,- ասել է թուրք նախարարը։
Նա նաև նշել է, որ Անկարայի դիմումին ի պատասխան՝ Վաշինգտոնի նման քայլի պատճառների, թուրքական կողմին «մատնանշում են կղզու հունական համայնքի քայլերը փողերի լվացման կանխարգելման ոլորտում ԱՄՆ-ի հետ համագործակցելու ուղղությամբ»։
«Նման համագործակցության պատասխանը պետք է լինի զենքի մատակարարման թույլտվությո՞ւնը։ Ինչի՞ համար և ո՞ւմ դեմ։ Կիպրոսի թուրքերի դեմ»,- ասել է Չավուշօղլուն։
Էմմա Չոբանյան
