29.08.2026 | 14:15
Լուսինե Գևորգյանն ավարտել է աշխատանքը Զբոսաշրջության կոմիտեի նախագահի պաշտոնում
Փաշինյանն ասաց՝ ՌԴ զորախումբը ԼՂ-ի հայաթափման լուռ վկան է․ սկսե՛ք նրանց փոխարինելու պրոցես․ Սարո Սարոյան. ՏԵՍԱՆՅՈՒԹ
Քաղաքականություն
29.12.2022 | 19:02
Նիկոլ Փաշինյանը Կառավարության նիստում ՌԴ-ին ուղղված հայտարարություններ արեց՝ անընդունելի համարելով «Լեռնային Ղարաբաղի հայաթափման լուռ վկա դառնալու՝ Ռուսաստանի ավելի ու ավելի տեսանելի դարձող գործելակերպը»: Նա ասաց, որ եթե ՌԴ-ն օբյեկտիվ կամ սուբյեկտիվ պատճառներով չի կարող ապահովել ԼՂ-ում անվտանգություն, ապա հենց ինքը պիտի քննարկում նախաձեռնի ՄԱԿ-ի ԱԽ-ում և ռուսական զորախմբին ՄԱԿ-ի մանդատով օժտելու կամ ԼՂ լրացուցիչ բազմազգ խաղաղապահ զորախումբ ուղարկելու հարց բարձրացնի։
Ինչքանո՞վ հավանական է, որ ՌԴ-ն ինքը նախաձեռնի քննարկում ՄԱԿ-ի ԱԽ-ում՝ ռուսական զորախմբին ՄԱԿ-ի մանդատ տալու կամ առավել ևս՝ լրացուցիչ բազմազգ խաղաղապահ զորախումբ ուղարկելու հարց բարձրացնի։ Դա առաջարկում է ՀՀ վարչապետը։ Այս ընթացքում Արևմուտքի դեմ անուղղակի պատերազմում գտնվող Մոսկվան բազմիցս քննադատել է ԱՄՆ-ին, ԵՄ-ին՝ իր միջնորդական ջանքերը յուրացնելու համար։ 2020 թվականի պատերազմը նրա համար էր, որ ՌԴ-ն իր ձեռքով իր ներկայությունը ԼՂ-ում զիջի միջազգային զորակազմի՞։
Քաղաքագետ Սարո Սարոյանը կարծում է, որ ՌԴ-ի միջամտությամբ խաղաղապահ զորակազմի համալրում ԼՂ-ում միջազգային անձնակազմով չի կարող լինել։
«ՌԴ-ն շատ լավ գիտի, որ Արևմուտքը մանդատ չի տա ռուս խաղաղապահներին, և երբեք չի դիմի այլ երկրի՝ զորակազմ բերելու։ Սա պատասխանատվության բեռի փոխանցում է։ Կա այստեղ դրական հանգամանք, որ Արցախում պատասխանատվության երկու կողմեր կան՝ ՀՀ-ն և ՌԴ-ն, և ռուսական պատասխանատվության հետ կապված ուղղակի մատնանշում կա արդեն, որը շատ դրական է, բայց չկա նշում, թե որն է այստեղ ՀՀ-ի պատասխանատվությունը։ Երբ ռուսական կողմը չի կատարում իր հանձնառությունը՝ Արցախի անվտանգության ապահովման, ՀՀ-ն ի՞նչ պարտավորություն կարող է ունենալ իրավիճակում մեր շահերից գործողություններ կատարելու համար։ Առաջին միտքը, որ գալիս է՝ պետք է ռուսական խաղաղապահության փոխարեն այլ խաղաղապահություն գա, որն իսկապես կերաշխավորի արցախահայության անվտանգությունը։ Գործընթացը պետք է սկսի Հայաստանը»,- ասաց Սարո Սարոյանը։
Հարցազրույցն ամբողջությամբ՝ տեսանյութում։
Ռոբերտ Անանյան
