29.10.2026 | 20:33
Նարեկ Կարապետյանը հետևից ինձ հարվածում ու փախչում է․ Նարեկ Գրիգորյան. ՏԵՍԱՆՅՈՒԹ
Պեսկովը խոսել է Արցախում միջազգային խաղաղապահների տեղակայման պայմանների մասին
Քաղաքականություն
29.12.2022 | 15:24
Լեռնային Ղարաբաղում միջազգային խաղաղապահներ կարող են ներգրավվել միայն հակամարտության բոլոր կողմերի համաձայնությամբ։ Նման հայտարարությամբ է հանդես եկել ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Միջազգային խաղաղապահները կարող են ներգրավվել, եթե կա երկու կողմերի համաձայնությունը՝ հակամարտության երկու կողմերի, և դա ոչ միայն Հայաստանն է, այլ նաև Ադրբեջանը: Գիտեք, որ Հայաստանը հանդիսանում է մեր ամենամոտ դաշնակիցներից մեկը, իսկ Ադրբեջանը մեր շատ արժեքավոր ու թանկ գործընկերն է»,- ասել է Պեսկովը՝ պատասխանելով հարցին, թե ինչպե՞ս է Կրեմլը գնահատում ՀՀ վարչապետի հայտարարությունը, որ ՌԴ-ն պետք է ՄԱԿ-ի ԱԽ-ում նախաձեռնի քննարկում ռուս խաղաղապահներին ՄԱԿ-ի Անվտանգության խորհրդի մանդատ տալու կամ Ղարաբաղ լրացուցիչ բազմազգ խաղաղապահ զորախումբ ուղարկելու մասին։
Հավելենք, որ արդեն 18-րդ օրն է՝ Ադրբեջանի իշխանությունները փակ են պահում Լաչինի միջանցքը, իսկ ռուս խաղաղապահ զորախումբը գործուն քայլեր չի ձեռնարկում միջանցքի անվտանգությունն ու անխափան երթևեկությունն ապահովելու համար։
Էմմա Չոբանյան
