13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պուտինն ու Փաշինյանը մանրամասն քննարկել են Ղարաբաղում իրավիճակը․ Կրեմլում մտահոգված են Լաչինի միջանցքով․ Պեսկով
Քաղաքականություն
29.12.2022 | 15:42
ՌԴ նախագահ Վլադիմիր Պուտինն ու Հայաստանի վարչապետ Նիկոլ Փաշինյանը Սանկտ Պետերբուրգում հանդիպմանը մանրամասն քննարկել են իրավիճակը Լեռնային Ղարաբաղում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Ռուսաստանի Դաշնությունը մտադիր է շարունակել իր միջնորդական ջանքերը, կատարել առաջին հերթին այն պայմանավորվածությունները, որոնք ձեռք են բերվել եռակողմ հիմքով։ Լաչինի միջանցքի թեման շատ մանրամասն քննարկվել է Սանկտ Պետերբուրգում Պուտինի ու Փաշինյանի միջև, այդ թեմայով երկխոսությունը շարունակվում է»,- ասել է Պեսկովը։
Պեսկովը նաև ասել է, որ Կրեմլում անհանգստացած են Լաչինի միջանցքի շուրջ լարվածությամբ ու շարունակում են շփումները կողմերի հետ։
«Մենք իսկապես մտահոգված են այն լարվածությամբ, որը հիմա առաջացրել է Լաչինի միջանցքի շուրջ, և ռուսական կողմը շարունակելու է իր աշխատանքն ու ջանքերը ինչպես Երևանի, այնպես էլ Բաքվի հետ»,- ասել է Կրեմլի խոսնակը։
Էմմա Չոբանյան
