27.06.2026 | 20:57
Էդուարդ Սպերցյանը կտեղափոխվի Սաուդյան Արաբիա. աղբյուր
Փաշինյանի նկարը, բնականաբար, թողնելու եմ իմ աշխատասենյակում. Գրիգոր Մինասյան․ ՏԵՍԱՆՅՈՒԹ
Քաղաքականություն
29.12.2022 | 13:47
Արդարադատության նորանշանակ նախարար Գրիգոր Մինասյանը Factor.am-ի հետ զրույցում անդրադառնալով քննադատություններին և հարցադրմանը, թե ինչպես է նախկին իշխանության կարկառուն ներկայացուցիչ լինելով հանդերձ՝ նշանակվել այդ պաշտոնում, նշեց․ «Ավելի քան տասը 10 տարի է ունեմ փաստաբանի մասնագիտացում, իմ գիտելիքներն օգտագործելով որպես փաստաբան՝ մտել եմ համակարգ, և, ինչպես գիտեք, արդեն մեկ տարուց ավելի է արդարադատության նախարարի տեղակալի պաշտոնն եմ զբաղեցնում։ Կարծում եմ այդ ժամանակահատվածում իմ կատարած աշխատանքը նպաստեց նրան, որ նման պատասխանատու պաշտոնում նշանակվեմ»։
Նախարարի խոսքով՝ իր հետագա գործունեության ընթացքում իրեն չի կաշկանդելու այն հանգամանքը, որ եղել է Հանրապետական կուսակցության խորհրդի անդամ։
«Շահերի բախում չեմ ունենալու։ Պրոֆեսիոնալ լինել նշանակում է գործել լիազորությունների և օրենքի շրջանակում»,- նշեց Մինասյանը։
Անդրադառնալով հարցին, թե արդյոք դեռևս արդարադատության նախարարի սենյակի պատից փակցված է վարչապետ Նիկոլ Փաշինյանի նկարը, Մինասյանը պատասխանեց՝ այո։ Նախարարն ընդգծեց՝ Փաշինյանի նկարը, բնականաբար, թողնելու եմ իմ աշխատասենյակում։
Մանրամասները՝ տեսանյութում։
