29.10.2026 | 12:47
Բոլսոնարուն ժամանել է ԱՄՆ՝ իրեն հռչակելով Բրազիլիայի «առաջնորդ»
Լավ նվեր ունենք Իջևանի, Արտաշատի և Մարտունու երեխաներին. Նիկոլ Փաշինյան․ ՏԵՍԱՆՅՈՒԹ
29.12.2022 | 12:02
«Լավ նվեր ունենք Իջևանի, Արտաշատի և Մարտունու երեխաներին»,- այս մասին կառավարության այսօրվա նիստում հայտարարեց վարչապետ Նիկոլ Փաշինյանը։
Կրթության, գիտության, մշակույթի և սպորտի նախարար Ժաննա Անդրեասյանը մանրամասնեց՝ շարունակում է մարզական նշանակության շինությունների կառուցման և վերանորոգման ուղղությամբ աշխատանքներ ձեռնարկել։ Այս պահին 6 հաստատություն է ընդգրկված շինարարական աշխատանքներում։
«Մասնավորապես՝ կառուցվում է Արթուր Ալեքսանյանի անվան հունահռոմեական ըմբշամարտի մանկապատանեական դպրոցը, աշխատանքներ են իրականցվում հեծանվային սպորտի օլիմպիական մանկապատանեկան դպրոցում, գեղարվեստական մարմնամարզության մարզադպրոցում։ Երևանի օլիմպիական հերթափոխի պետական մարզական դպրոցում այս տարի ավարտում ենք աշխատանքները։ Արմավիրի մարզի Ջրառատ համայնքում կառուցվում է Սիմոն Մարտիրոսյանի անվան ծանրամարտի մարզադպրոցը»,- նշեց նախարարը։
Անդրեասյանի հավաստմամբ՝ վերջերս նաև միջոցներ են հատկացվել Կիլիկիայի մարզադաշտի կառուցման համար, որն օգտագործվելու է հաջորդ տարի կայանալիք ծանրամարտի Եվրոպայի առաջնության անցկացման նպատակով:
Նախարարությունը նաև առաջարկեց ընդունել նախագիծը, որի միջոցով աննախադեպ աջակցություն կտրամադրվի ՀՖՖ-ին և Հայաստանում ֆուտբոլի զարգացմանը։
«Առաջարկում ենք 2022 թվականի բյուջեն ավելացնել 2,5 միլիարդ դրամով, և այդ ամբողջը ուղղել ՀՀ-ում ֆուտբոլի ենթակառուցվածքների զարգացման ծրագրին՝ պետական աջակցություն տրամադրելուն։ Նախատեսում ենք, որ կկառուցվի 4 ֆուտբոլի դպրոց՝ Երևանում, Արարատի, Գեղարքունիք և Տավուշի մարզերում։ Երևանում ընտրվել է Դավթաշեն համայնքը, որը կկարողանա սպասարկել Աջափնյակ և Արաբկիր վարչական շրջանների երեխաներին։ Այստեղ շուրջ 30 հազար երեխա ունենք»,- ասաց Ալեքսանյանը։
Ֆուտբոլային ենթակառուցվածքները Արարատի մարզում կկառուցվեն Արտաշատ քաղաքի համայնքային սեփականության հողակտորի վրա, Գեղարքունիքում՝ Մարտունի քաղաքում, Տավուշի մարզում՝ Իջևանում։ Նախարարի հավաստմամբ՝ դպրոցները կլինեն միջազգային ստանդարտներին համապատասխան։
Գերատեսչության ղեկավարի խոսքով՝ այս ամենի շնորհիվ ֆուտբոլը ոչ միայն Հայաստանում կզարգանա, այլ նաև հասանելի կլինի թե՛ տղաներին, թե՛ աղջիկներին։
Մանրամասները՝ տեսանյութում։
