26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Լաչինի միջանցքի վերջին զարգացումներն անկեղծության փորձություն են Հայաստանի համար․ Չավուշօղլու
Քաղաքականություն
29.12.2022 | 12:34
Թուրքիայի ԱԳ նախարար Մևլութ Չավուշօղլուն տարին ամփոփող մամուլի ասուլիսում անդրադարձել է Ադրբեջանի կողմից Լաչինի միջանցքի արգելափակմանը։ TRT Haber-ի փոխանցմամբ՝ Չավուշօղլուն նշել է, որ Լաչինի միջանցքի շուրջ վերջին զարգացումները Հայաստանի համար «անկեղծության թեստ» են։
«Սիրելի Ադրբեջանի հետ մեր համագործակցությունը գտնվում է հնարավորինս բարձր մակարդակի վրա։ Մենք շարունակում ենք Հայաստանի հետ հարաբերությունների կարգավորումը Ադրբեջանի հետ սերտ համագործակցմամբ։ Լաչինի միջանցքի վերջին զարգացումները Հայաստանի համար անկեղծության փորձություն են։ Ադրբեջանի հարստությունների յուրացնելու փորձեր՝ սեփական հողում»,-ասել է Չավուշօղլուն։
Ուշագրավ է, որ Լաչինի պարագայում Չավուշօղլուն օգտագործել է միջանցք տերմինը, չնայած , որ պաշտոնական Բաքուն այն անվանում է ճանապարհ։ Հավելենք, որ կեղծ բնապահպաններն արդեն 18-րդ օրն է արգելափակված են պահում Լաչինի միջանցքը, ինչի հետևանքով Արցախում գնբալով սրվում է սննդամթերքի, դեղորայքի և վառելիքի պակասը։
Էմմա Չոբանյան
