22.06.2026 | 15:19
Ուկրաինան հարձակվել է Վորոնեժի վրա․ հրթիռային հարված է հասցվել պաշտպանական գործարանի․ ՏԵՍԱՆՅՈՒԹ
Ադրբեջանը Քարվաճառում ռազմական նոր օբյեկտներ է շահագործման հանձնել․ԼՈՒՍԱՆԿԱՐՆԵՐ
Քաղաքականություն
29.12.2022 | 14:58
Ադրբեջանը Քարվաճառում՝ Հայաստանի հետ սահմանին, շահագործման է հանձնել երկու նոր ռազմական ենթակառուցվածքային օբյեկտ։ Այս մասին հայտնում են տեղական լրատվամիջոցները՝ հղում անելով Ադրբեջանի ՊՆ-ին։ Նշվում է, որ Ադրբեջանի պաշտպանության փոխնախարար, նյութատեխնիկական ապահովման գլխավոր վարչության պետ, գեներալ-լեյտենանտ Նիզամ Օսմանովը ծանոթացել է նոր օբյեկտներին։
«Մասնավորապես, շահագործման է հանձնվել Ռազմական ոստիկանության ենթակայության տակ գտնվող ստորաբաժանման տեղակայման կետը, որը կառուցել է ՊՆ շինարարական գումարտակը»,-ասվում է հաղորդագրության մեջ։ Այնտեղ նախատեսված է զինապահեստ, զորանոց, ճաշասենյակ, բաղնիք և սանհանգույց, ջեռուցման վառարաններ և ավտոկայանատեղի։ Բացի այդ, Քարվաճառում շահագործման են հանձնվել պահեստներ։
«Քարավաճառի ու Լաչինի շրջանում տեղակայված ադրբեջանական բանակի բոլոր ստորաբաժանումների անխափան մատակարարումն իրականացվելու է համատեղ պահեստների միջոցով»,-ասվում է հաղորդագրության մեջ։
Էմմա Չոբանյան
