29.10.2026 | 23:25
Ջրագիծ է վնասվել. Գյումրիում ջրանջատում է
Արցախին լրացուցիչ 4 մլրդ դրամ կհատկացվի․ Փաշինյան․ ՏԵՍԱՆՅՈՒԹ
Տնտեսություն
29.12.2022 | 11:24
Լաչինի միջանցքի` շուրջ 18 օր փակ լինելու հետևանքով ԼՂ–ում հումանիտար իրավիճակն օր օրի սրվում է։ Կառավարության այսօրվա նիստի մեկնարկին նշեց վարչապետ Նիկոլ Փաշինյանն աշխատանքային խումբ ձևավորելու որոշում է կայացրել։
«ԼՂ հարյուրավոր ընտանիքներ շարունակում են մնալ կիսված` հայտնվելով բլոկադայի տարբեր կողմերում։ Առաջին անհրաժեշտության ապրանքների պակասը դառնում է ավելի զգալի, խանութների ցուցափեղկերը դատարկվում են, հանրային օբյեկտներում սննդի սահմանափակումներ են մտցվում, հանրությունը գտնվում է սոցիալ-հոգեբանական լարված վիճակում»,- նշեց Փաշինյանը՝ ընդգծելով, որ ԼՂ ժողովրդին աջակցելու նպատակով աշխատանքային խումբ ձևավորելու որոշում է կայացրել, այն կգլխավորի փոխվարչապետ Տիգրան Խաչատրյանը։
«Աշխատանքային խմբի խնդիրը ԼՂ իշխանությունների հետ հումանիտար հարցերի մշտադիտարկում իրականացնելն ու անհրաժեշտ հումանիտար աջակցություն ցուցաբերելն է լինելու` այդ թվում միջազգային կազմակերպությունների օգնությամբ»,–ասաց վարչապետը։
Նրա խոսքով` աշխատանքային խմբում կընդգրկվեն առողջապահության, աշխատանքի և սոցիալական հարցերի, ՏԿԵ նախարարները և այլ գերատեսչությունների ղեկավարներ։
Վարչապետը նաև հայտնեց, որ կառավարության այսօրվա նիստում չզեկուցվող հարցերի փաթեթում ներառված է ԼՂ–ին 4 մլրդ դրամի աջակցություն ցուցաբերելու հարցը։
«Հումանիտար ճգնաժամի միջազգային հանրահռչակումը պետք է ամենօրյա աշխատանքի մասը դառնա, և գործընկեր պետություններն ու միջազգային կազմակերպությունները պետք է տեղեկացված լինեն հումանիտար ճգնաժամի և իրավիճակի վատթարացման մասին»,- նշեց վարչապետը։
Մանրամասները՝ տեսանյութում։
