17.12.2025 | 20:56
ՔՊ-ում կռիվ է ընկել․ ինտրիգներ՝ ընտրական ցուցակի ձևավորման շուրջ. ՏԵՍԱՆՅՈՒԹ
Վարչապետի հանձնարարականով` Գյումրու ծննդատանը կներդրվի արհեստական բեղմնավորման ծառայություն
28.12.2022 | 22:45
ՀՀ վարչապետ Նիկոլ Փաշինյանի հանձնարարականով 2023 թվականից Գյումրու ծննդատանը կներդրվի արհեստական բեղմնավորման ծառայություն։
ՀՀ առողջապահության նախարարի տեղակալ Արտակ Ջումայանի և «Գյումրու բժշկական կենտրոն» ՓԲԸ գործադիր տնօրեն Արմեն Իսահակյանի միջև տեղի է ունեցել քննարկում ծառայության ռազմավարության շուրջ։
Արմեն Իսահակյանի տեղեկացմամբ, ծրագիրը իրականացվելու է անվճար՝ անպտղության հաղթահարման պետական ծրագրի շրջանակներում։ Ծառայությունը, ըստ մեր զրուցակցի, հասանելի կլինի ոչ միայն գյումրեցիների ու ողջ Շիրակի մարզի, այլև Լոռու ու Արագածոտնի մարզերի բնակիչների համար։
Արմեն Իսահակյանի փոխանցմամբ, ծառայությունը ներդնելու նպատակով Գյումրի բժշկական կենտրոնին միավորված ծննդատունը ձեռք կբերի նորագույն սարքավորումներ։
Ծրագիրը կգործի հատուկ կարգ ունեցողների համար, որոնց ցանկը կհրապարակվի 2023 թվականի հունվարին։
Հիշեցնենք՝ վարչապետը դեկտեմբերի 13-ին հանձնարարել էր մշակել անպտղության հաղթահարման պետական ծրագիրը 100 տոկոսով ընդլայնելու առաջարկներ։ Գյումրու ծննդատունը կլինի առաջին մարզային հաստատությունը, որտեղ կատարվելու է արտամարմնային բեղմնավորում։
Արմիկ Մովսիսյան
