Հասարակություն
28.12.2022 | 16:12«Ամեն բարեփոխում չէ, որ բարեփոխում է՝ բովանդակային առումով․․․ Հատվածային մոտեցումը ձախողված է»,- անդրադառնալով ոստիկանության բարեփոխումներին ՝ «Մարդու իրավունքները Հայաստանում 2022-ին․ ի՞նչ են արձանագրել իրավապաշտպանները» թեմայով քննարկման ժամանակ այս մասին նշեց Հելսինկյան քաղաքացիական ասամբելայի Վանաձորի գրասենյակի ղեկավար Արթուր Սաքունցը։
«Առանձին դեպքերում ոստիկանությունը շարունակում է ոչ բարեվարք վերաբերմունք դրսևորել։ Խոշտանգումներից զերծ մնալու բացարձակ իրավունքի պաշտպանության ուղղությամբ վիճակը ոչ միայն չի փոխվել, այլ ավելի է վատանում ՝ այն իմաստով, որ պատշաճ քննության և մեղավորներին պատասխանատվության ենթարկելու ինստիտուտը չի գործում»,- նշեց իրավապաշտպանը։
«Մեր մտահոգությունը իրավական համակարգում առկա խնդիրների լուծման համար քաղաքական կամքի բացակայությունն է։ 2022 թվականը, տարբեր տեսանկյուններից «յոլա» գնալու գլուխ պահելու ժամանակ էր, մենք արմատական փոփոխություններ չունեցանք մարդու իրավունքների պաշտպանության բնագավառում։
Այսպիսի վերաբերմունքի գնահատականը ժողովուրդը մեկ անգամ տվել է 2018թ․ և եթե այսպես շարունակվի, նորից կտա»,-ընդգծեց իրավապաշտպանը։
Մանրամասները՝ տեսանյութում։
