Հասարակություն
28.12.2022 | 15:34«ՀՀ-ն ռեֆորմացիոն շրջանում է գտնվում, բայց շատ դեպքերում ականատես ենք լինում, որ բարեփոխումներն իրական չեն, իմիտացիաներ են»,- այս մասին «Մարդու իրավունքները Հայաստանում 2022-ին․ ի՞նչ են արձանագրել իրավապաշտպանները» թեմայով քննարկման ժամանակ այս մասին նշեց «Իրավունքների պաշտպանություն առանց սահմանների» Արաքս Մելքոնյանը։
Նրա խոսքով՝ քաղաքացիական հասարակության առաջարկներն ու դիտարկումները հաշվի չեն առնվում բարեփոխումների ռազմավարության իրականացման գործընթացում։
Մելքոնյանի դիտարկմամբ՝ շատ դեպքերում մարդու իրավունքները խախտվում են հենց դատարանների կողմից։
«Իրավապաշտպան Սաշիկ Սուլթանյանի գործը եզակի էր իր ծանրությամբ և հետևանքներով՝ թե՛ անձի և թե՛ ամբողջ քաղաքացիական հասարակության վրա»,- նշեց բանախոսը։
«Փաստ է՝ ոստիկանությունը չի բարեփոխվել,-ընդգծեց Մելքոնյանը,- Եռաբլուրի բռնությունից հետո ոչ ոք պատասխանատվության չենթարկվեց։
Մանրամասները՝ տեսանյութում։
