16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Օրվա իշխանությունը չի գիտակցում իրավունքի գերակայության խնդրի կարևորությունը. Սաքունց․ ՏԵՍԱՆՅՈՒԹ
Քաղաքականություն
28.12.2022 | 15:23
«Մենք արձանագրում ենք, որ իրավունքի պաշտպանության հանձնառության կատարման առումով իշխանությունը չի գիտակցում իրավունքի գերակայության խնդրի կարևորությունը և իր քաղաքականության հիմքում ՝ չի տեսնում իրավունքի գերակայության պաշտպանության սկզբունքը»,- այս մասին «Մարդու իրավունքները Հայաստանում 2022-ին․ ի՞նչ են արձանագրել իրավապաշտպանները» թեմայով քննարկման ժամանակ նշեց Հելսինկյան քաղաքացիական ասամբելայի Վանաձորի գրասենյակի ղեկավար Արթուր Սաքունցը։
Իրավապաշտպանի դիտարկմամբ՝ 44-օրյա պատերազմից հետո արմատապես փոխվեց իրավիճակը, պետական ինստիտուտների վերաբերմունքն ու մոտեցումները․ «Մարդու իրավունքների տեսանկյունից թիվ մեկ խնդիրը անվտանգությունն է։ Ինչ է արվել մարդու իրավունքների առումով անվտանգային տեսակետից՝ թե՛ արտաքին, թե՛ ներքին․․․ Ցավոք իշխանությունը նույն ռեժիմում է գտնվում, ինչ պատերազմից առաջ՝ շատ ավելի նվազ ռեսուրսներով ու սահմանափակ հնարավորություններով՝ չնայած ավելի մեծ մարտահրավերների առկայությանը»։
«Տարբեր կազմակերպությունների կողմից ինստիտուցիոնալ հարցերի առնչությամբ 2018 թվականից հետո մտահոգություն ու ահազանգ է հնչեցվում, առաջարկներ են ներկայացվում, սակայն հաղորդակցությունը չի կայացել։
Ինչ է նշանակում, որ չեն հրաժարվում ապօրինի քրեական հետապնդումից իրավապաշտպան Սաշիկ Սուլթանյանի նկատմամբ»,- նշեց Սաքունցը։
Մանրամասները՝ տեսանյութում։
