Իսրայելական բանակին հրահանգվել է պատրաստվել էսկալացիայի «ցանկացած պատճառով»

Իսրայելի պաշտպանության նախարար Բենի Գանցը Kan Reshet Bet ռադիոկայանին տված հարցազրույցում ասել է, որ հրեական պետական պաշտպանության բանակին հրահանգել է «պատրաստվել էսկալացիայի ցանկացած պատճառով՝ քաղաքական խնդիրներից մինչև ահաբեկչական գործողություններ», գրում է EADaily-ն:

Նրա խոսքով՝ Բենիամին Նեթանյահուի գլխավորած նոր կառավարության երդման և Պաշտպանության նախարարությունում առանցքային պաշտոններում «Կրոնական սիոնիզմի» ղեկավար Բեզալել Սմոտրիչի և «Հրեական հզորության» առաջնորդ Իտամար Բեն Գվիրին նշանակելու ֆոնին «բավարար պատճառներ են ստեղծված», որոնց հետևանքով կարող է էսկալացիա լինել Իսրայելում և Սամարիայում (Հորդանան գետի արևմտյան ափին), Գազայի հատվածում, հյուսիսում և, «Աստված մի արասցե, նաև Իսրայելի արևմուտքում, ինչպես դա եղավ երկու տարի առաջ»։

Ավելի վաղ իսրայելցի զինվորականները նոյեմբերին կայացած ընտրությունների արդյունքներով ստեղծված կոալիցիոն կառավարության ղեկավար Բենիամին Նեթանյահուից պահանջել էին կանխել ոտնձգությունը իրենց պատասխանատվության գոտու նկատմամբ։ Նման ազդանշան հնչել է վարչապետի և Իսրայելի պաշտպանության բանակի գլխավոր շտաբի պետ, գեներալ-լեյտենանտ Ավիվ Կոչավիի հետ հեռախոսազրույցում, որը մտահոգություն է հայտնել, որ նոր կաբինետի ծայրահեղ աջ թևը, որը կոալիցիոն գործարքով ստացել է նախարարական պորտֆելներ, կկարողանա բանակից խլել լիազորությունների մի մասը։

Աջերի դեմ հրապարակային արշավ են սկսել նաև զինվորական ծառայության վետերանները, որոնք փորձել են ճնշում գործադրել Իսրայելի դատական համակարգի վրա։

Տաթև Ֆռանգյան