Քաղաքականություն
28.12.2022 | 15:49
Ռուսաստանի բնակիչները կրկին հնարավորություն ունեն առանց VPN-ի ներբեռնել Windows օպերացիոն համակարգը դրա մշակողի՝ ամերիկյան Microsoft կորպորացիայի կայքից։ Այս մասին հայտնում է «Իզվեստիան»՝ վկայակոչելով ծրագրային ապահովման մասնագետներին, փոխանցում է Meduza-ն։
Կարելի է տեղադրել և՛ վերջին տարբերակը՝ Windows 11 22H2, և՛ նախորդ տարբերակները՝ Windows 10, Windows 8.1 և Windows 7։ Լրատվամիջոցի թղթակցին հաջողվել է Windows-ը ներբեռնել երկու համակարգչով։ Ցանկացած օգտատեր կարող է ներբեռնել ծրագրային ապահովումը, բայց այն հնարավոր չի լինի ակտիվացնել առանց բանալիի, պարզաբանել են փորձագետները։
«Օպերացիոն համակարգով ներբեռնված համակարգն իսկապես բացվում է Ռուսաստանում։ Ամենայն հավանականությամբ, սա կորպորացիայի քաղաքականության ճշգրտումն է ռուս օգտատերերի նկատմամբ, որոնք արդեն գնել են Windows-ը»,- ասել է ՏՏ փորձագետ Դմիտրի Բևզան։
Նա նշել է, որ աշխարհագրական շրջափակման պատճառով Ռուսաստանի Դաշնությունից օգտատերերի համար դժվար է օրինական կերպով վերատեղադրել համակարգը նոր սարք գնելիս կամ կոշտ սկավառակը փոխարինելիս:
Հավելենք, որ Ուկրաինա ռուսական ներխուժումից հետո Microsoft-ը մարտին դադարեցրել էր ապրանքների վաճառքն ու ծառայությունները Ռուսաստանի տարածքում։
Էմմա Չոբանյան
