07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Եվրոպայում գազի գինը իջել է՝ հասնելով Ուկրաինայում պատերազմի սկզբից ի վեր նվազագույն ցուցանիշին
Քաղաքականություն
28.12.2022 | 11:33
Երեքշաբթի օրը Նիդերլանդներում Եվրոպայի խոշորագույն TTF հանգույցում սակարկությունների ժամանակ գազի գինն ընկել է 77 եվրոյից ցածր մեկ մեգավատ/ժամի համար (կամ 820 եվրո հազար խորանարդ մետրի համար): Սա ամենացածր ցուցանիշն է այս տարվա փետրվարին Ուկրաինա ռուսական ներխուժման սկզբից ի վեր։ Ինչպես հիշեցնում է DW-ն, Ուկրաինայի վրա ռուսական հարձակումից երկու օր առաջ՝ փետրվարի 22-ին, TTF հանգույցում գազի գինը մեկ մեգավատ ժամի համար 80 եվրոյից մի փոքր ցածր էր։ Գազի գինը հասել է առավելագույնին օգոստոսի վերջին՝ հասնելով գրեթե 350 եվրոյի մեկ մեգավատ/ժամի դիմաց։
Գերմանական լրատվականը մեջբերում է Գերմանիայի դաշնային ցանցային գործակալության զեկույցը, ըստ որի՝ գազի գնի իջեցմանը նպաստել է դեկտեմբերի վերջին Եվրոպայում տաք եղանակը, որը նվազեցրել է գազի սպառումը, ինչպես նաև հողմակայաններից ավելի շատ էներգիայի հոսքը:
Սուրբ Ծննդյան տոներին Գերմանիայում գազի պահեստարանները լի են եղել 88,2 %-ով։
Տաթև Ֆռանգյան
