22.01.2026 | 12:36
Կրասնոդարի նավահանգստային տերմինալների վրա հարձակման հետևանքով 3 զոհ կա
ՀՀ ԶՈՒ-ում արձանագրվել է 49 խախտում. ՀՀ Զինվորական դատախազությունում ամփոփվել են 2018թ. 1-ին եռամսյակի արդյունքները
Հասարակություն
11.06.2018 | 18:35
ՀՀ Զինվորական դատախազությունում ամփոփվել են 2018թ. 1-ին եռամսյակի ընթացքում զինված ուժերում պետական շահերի պաշտպանության ոլորտում ՀՀ զինվորական կենտրոնական դատախազության պետական շահերի պաշտպանության բաժնի և կայազորների զինվորական դատախազությունների դատախազների կողմից իրականացված աշխատանքները և դրանց արդյունքները։
Ըստ այդմ՝ պետական շահերի պաշտպանության հարցադրումներով իրականացվել է թվով 66 ուսումնասիրություն, որից 35-ը կատարվել է թիկունքային, 9-ը՝ սպառազինության, 8-ը՝ ֆինանսական, 5-ը՝ ռազմաբժշկական, 3-ը՝ կապի, 2-ը՝ ինժեներական, 2-ը՝ հրթիռահրետանային և 1-ական՝ կապիտալ շինարարության և այլ ծառայությունների գծով։
Այդ ուսումնասիրությունների արդյունքում արձանագրվել է 49 խախտում: Այսինքն խախտումներ են հայտնաբերվել ուսումնասիրությունների շուրջ 75% դեպքերում։ Ելնելով արդյունքնեից՝ ԶՈւ համապատասխան կառույցներին և ստորաբաժանումներին տրվել է 8 նախազգուշացում, ուղարկվել է 14 հաղորդում։
2018 թվականի առաջին եռամսյակում իրականացված ուսումնասիրություններով արձանագրվել է պետությանը պատճառված 203.324.237 ՀՀ դրամի /նախորդ տարվա նույն ժամանակահատվածում 61.026.885 ՀՀ դրամ/ վնաս, որից 132.054.143 ՀՀ դրամը կամ 65%-ը արձանագրվել է պետական շահերի պաշտպանության բաժնի կողմից, մնացած մասը՝ կայազորների զինվորական դատախազությունների. տեղեկացնում է ՀՀ գլխավոր դատախազության լրատվական ծառայությունը:
Հարկ է փաստել նաև, որ հայտնաբերված 203.324.237 ՀՀ դրամից 46.518.570 ՀՀ դրամը հաշվետու ժամանակահատվածում վերականգնվել է։
Խախտումները հայտնաբերվել են հիմնականում տրանսպորտային միջոցների շահագործման, գնումների գործընթացի կազմակերպման, տրանսպորտային միջոցների և տեխնիկայի շահագործման համար նախատեսված վառելիքի, մատակարարված տարբեր տեսակի ապրանքանյութական միջոցների, հագուստի, սննդամթերքի ստացման, պահպանման և օգտագործման ոլորտներում:
2018թ. 1-ին եռամսյակի ընթացքում պետական շահերի պաշտպանության հարցադրումներով իրականացված հիշյալ ուսումնասիրությունների արդյունքներով նախապատրաստված 25 նյութից 11-ով պաշտոնատար անձանց կողմից դրսևորած պաշտոնեական անփութության, պաշտոնեական կեղծիքների, հափշտակությունների հատկանիշներով հարուցվել են քրեական գործեր։
Հարուցված 11 քրեական գործերից 5-ով՝ պաշտոնեական կեղծիքի, պաշտոնեական դիրքն օգտագործելով յուրացում կամ վատնում կատարելու դիտավորությամբ գույքը ոչնչացնելու համար մեղադրանք է առաջադրվել 10 անձի, որոնցից 3-ը՝ զորամասի հրամանատարի տեղակալ, 3-ը՝ ծառայության պետ, 2-ը՝ պահեստապետ և 2-ը քաղաքացիական անձ։
Միայն հարուցված քրեական գործերով պետությանը պատճառված վնասի չափը կազմել է 134.520.935 ՀՀ դրամ:
Ուսումնասիրությունների արդյունքում արձանագրված և չվերկանգնված վնասների մի մասի վերաբերյալ քննվում են քրեական գործեր, մյուս մասի վերաբերյալ ուսումնասիրությունները շարունակվում են կամ գտնվում է վեարկանգնման փուլում: Այդ նպատակով կիրառվում են անհրաժեշտ դատախազական ներգործության միջոցներ։
2018թ. 1-ին եռամսյակում պետական շահերի պաշտպանության բաժնի և կայազորների զինվորական դատախազությունների կողմից քաղաքացիական կամ քրական դատավարության կարգով ներկայացվել է ընդհանուր 8.777.100 ՀՀ դրամ հայացապահանջով 3 հայցադիմում: Դրանցից 2-ով հայցապահանջները բավարվել են ամբողջությամբ, իսկ 1-ով վնասը բռնագանձելու պահանջի մասին հայցադիմումը դեռևս չի քննվել։ Օրենքով սահմանված կարգով ներկայացվել է միջնորդություն հայցի ապահովման միջոց կիրառելու վերաբերյալ, որը դատարանի կողմից բավարարվել է։ Միջնորդության վերաբերյալ տրված կատարողական թերթը ներկայացվել է կատարման, հարուցվել է կատարողական վարույթ։
