29.10.2026 | 20:10
Ո՞վ է Գառնիկին իրավունք տվել ԱԺ պատգամավորի կոկորդից բռնել․ Տարոն Չախոյան. ՏԵՍԱՆՅՈՒԹ
Լավրովը պնդում է՝ ԱՄՆ-ն ուզում է ոչնչացնել Պուտինին, Պեմզաշենի գործով մեղադրյալը մեղսունակ է. Լուրեր
27.12.2022 | 14:00
- Եվրոպական դիտորդների նոր տեխնիկական առաքելությունը Հայաստանում է։ Այս մասին դեկտեմբերի 26-ին Հանրային հեռուստաընկերությանը տված հարցազրույցում նշեց Անվտանգության խորհրդի քարտուղար Արմեն Գրիգորյանը։ «Այն դիտորդները, որոնք եկել էին հոկտեմբերին, նրանք գնացել են։ Այսօր նոր տեխնիկական առաքելություն կա Հայաստանում, որը պետք է գնահատի իրավիճակը»,- ասել է նա։
- Հայաստանի և Արցախի Մարդու իրավունքների պաշտպանների հաստատությունները հրապարակել են Լաչինի միջանցքի արգելափակման հումանիտար հետևանքների վերաբերյալ արտահերթ զեկույց՝ նոր թարմացված տվյալներով։ Զեկույցում ամփոփվել է ադրբեջանական հանրային խոսույթը և վերլուծվել են ադրբեջանցի պաշտոնատար անձանց հայտարարությունները, որի արդյունքներով հետևությունն այն է, որ ադրբեջանանի ղեկավարությունը դեռ նոյեմբերից պատրաստել և ուղղորդել է հանրային կարծիքը Լաչինի հումանիտար միջանցքի արգելափակման համար։
- ՀՀ պաշտպանության նախկին նախարար Դավիթ Տոնոյանի պաշտպանական խումբը միջնորդությամբ կրկին դիմելու է դատարան՝ նրա խափանման միջոցի փոփոխության նպատակով։ Տոնոյանի պաշտպանական թիմը հայտարարում է, թե ձերբակալումից մեկ տարի և երեք ամիս անց է միայն հնարավորություն ստացել 3 դատական նիստերի ընթացքում հրապարակել և հետազոտել, իրենց ձևակերպմամբ, մեղադրանքն ամբողջապես հերքող փաստական տվյալներն ու ապացույցները։
Այս ժամի լուրերը՝ տեսանյութում։
