07.07.2026 | 12:54
Դատախազությունը պահանջում է դադարեցնել Սևանա լճի ափամերձ հողամասի կառուցապատման իրավունքը
ՌԴ-ում ՀՀ դեսպանությունում տեղի է ունեցել Հայաստանի սննդամթերք արտադրողների ապրանքատեսակների շնորհանդեսը
Տնտեսություն
11.06.2018 | 19:21
Հունիսի 8-ին ՌԴ-ում ՀՀ դեսպանությունում տեղի ունեցավ Հայաստանի սննդամթերք արտադրող ընկերությունների ապրանքատեսականու շնորհանդեսը:
Միջոցառմանը բացման խոսքով հանդես եկավ ՌԴ-ում ՀՀ դեսպան Վարդան Տողանյանը, ով իր խոսքում ընդգծեց նմանօրինակ նախաձեռնությունների կարևորությունը՝ խթանելու հայկական արտադրանքի տարածումը ռուսաստանյան շուկայում:
Իր հերթին ՌԴ-ում ՀՀ առևտրի ներկայացուցիչ Կարեն Ասոյանը միջոցառման հյուրերին ներկայացրեց Հայաստանի և Ռուսաստանի միջև առևտրատնտեսական կապերի զարգացման համար ընձեռված նոր հնարավորությունները:
Միջոցառումը տեղի ունեցավ շնորհանդես-համտեսի ձևաչափով, որին մասնակցեցին ավելի քան 20 արտադրող Հայաստանից, այդ թվում կաթնամթերքի, գինու, կոնյակի, բուսական և մրգային պահածոների, հրուշակեղենի արտադրողներ, ինչպես նաև ձկնամթերք և միս վերամշակող ձեռնարկություններ:
Ռուսական կողմից շնորհանդեսին մասնակցեցին խոշոր առևտրային ընկերությունների և մանրածախ ցանցերի ներկայացուցիչներ («X5 Retail Group» և այլն), մթերային ինտերնետ խանութների և ռեստորանային ոլորտի մասնագետներ: Շնորհանդեսին մասնակիցների թվում էին նաև սննդամթերքի մասնագիտացված լոգիստիկ կենտրոնների ներկայացուցիչներ և հայազգի ՌԴ գործարարներ:
Միջոցառումը կազմակերպվել էր ՌԴ-ում ՀՀ դեսպանության և ՌԴ-ում ՀՀ առևտրի ներկայացուցչի կողմից` «Բիզնես Հայաստան» հիմնադրամի մասնակցությամբ:
