21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Մարդիկ նախընտրում են բազմոցի վրա նստել, ոչ թե աշխատել․ Վահան Քերոբյան․ ՏԵՍԱՆՅՈՒԹ
Հասարակություն
26.12.2022 | 14:47
«Այս տարվա համար թե՛ Արժույթի միջազգային հիմնադրամը, թե՛ Համաշխարհային բանկը, թե՛ մյուս գործընկերները տեսնում են, որ մեզ մոտ մեկ շնչին ընկնող ՀՆԱ-ն 6600-6800 դոլարի միջակայքում կլինի: Դա նշանակում է, որ մենք արդեն, որպես երկիր, պետք է փոխենք մեր մտածելակերպր, մեր ինստիտուտների որակը, որ արդեն որպես այլ կլասի երկիր կարողանանք աճել, աշխատել: Մենք պետք է կարողանանք փոխել մեր քաղաքացիների կյանքի որակը»,- այս մասին այսօր ԱԺ-ում լրագրողների հետ զրույցում նշեց էկոնոմիկայի նախարար Վահան Քերոբյանը:
Մեկնաբանելով մոտ 100 000 թափուր աշխատատեղերի առկայությունը Հայաստնաում՝ նախարարը նշեց․ «Տնտեսական արդյունքը, որը գոյացել է այս տարվա աշխատանքի շնորհիվ պետք է բաշխվի այնպես, որ ավելի խոցելի խավը կարողանա առնվազն չվատացնել իր կյանքի որակը։
Շատ բան կախված է հենց մարդկանցից։ Ես կարող եմ օրինակ բերել իմ նախկին բիզնեսից․ սովորաբար այն մարդիկ, ովքեր գործազուրկ են և որոշակի օգնություն են ստանում նաև իրենց բարեկամներից՝ դրսից, նախընտրում են բազմոցին նստած մնալ և այդ օգնությունը սատանլ, քան թե աշխատել։ Այսօր այդ խնդիրը ևս հանդիսանում է լուրջ խոչընդոտ, որպեսզի մարդիկ գնան աշխատանքի»։
Քերոբյանը վստահեցրեց, որ տրանսֆերտները հարկելու հարց օրակարգում դրված չէ։
Մանրամասները՝ տեսանյութում։
